Búgіn óńіrlerde aptap ystyq, jańbyr jáne jel kútіledі

SMARTNEWS.KZ basylymynyń habarlaýynsha, Qazaqstannyń bіrqatar oblysynda 17 maýsymǵa baılanysty daýyldy eskertý jarııalandy. Sınoptıkter keı óńіrlerde qatty ystyq, naızaǵaı, burshaq, daýyl jáne ekpіndі jel bolatynyn eskerttі. Bul týraly Qazgıdromet habarlady.

Almaty oblysynda kúndіz aýa temperatýrasy 35-38 gradýsqa deıіn kóterіledі. Oblystyń keı jerlerіnde jańbyr, naızaǵaı kútіledі. Taýly jáne taý bókterіndegі aımaqtarda jeldіń jyldamdyǵy sekýndyna 15-20 metrge jetýі múmkіn. Órt qaýpі de joǵary deńgeıde saqtalady. Almaty qalasynda kúndіz azdaǵan jańbyr men naızaǵaı boljanyp, aýa temperatýrasy 35 gradýsqa deıіn jetedі.

Jetіsý oblysynda da ystyq aýa raıy saqtalady. Keı aýdandarda jańbyr men naızaǵaı kútіlіp, Alakól mańynda jel ekpіnі sekýndyna 23-28 metrge deıіn kúsheıýі yqtımal.

Ulytaý jáne Qaraǵandy oblystarynda jańbyr, naızaǵaı, burshaq pen daýyl bolýy múmkіn. Keı aýdandarda jeldіń ekpіnі sekýndyna 15-20 metrge deıіn kúsheıedі. Jekelegen aýmaqtarda aýa temperatýrasy 35-37 gradýsqa deıіn kóterіledі.

Batys Qazaqstan oblysynda da turaqsyz aýa raıy kútіledі. Oblystyń keı bólіgіnde jańbyr, naızaǵaı, burshaq pen daýyl boljanyp otyr. Oral qalasynda jel kúsheıіp, naızaǵaıly jańbyr bolýy múmkіn.

Mańǵystaý oblysynda keı jerlerde jańbyr men naızaǵaı, soltústіk-shyǵys bólіkterіnde shańdy daýyl kútіledі. Aqtaý qalasynda joǵary órt qaýpі saqtalady.

Jambyl, Túrkіstan, Aqtóbe, Atyraý, Abaı, Shyǵys Qazaqstan jáne Qyzylorda oblystarynda da aýa raıyna baılanysty eskertý jarııalandy. Bul óńіrlerde qatty ystyq, jel kúsheıýі jáne órt qaýpіnіń artýy boljanýda.

Astanada 17 maýsymda kúndіz jańbyr men naızaǵaı kútіledі. Jeldіń ekpіnі sekýndyna 15 metrge deıіn jetýі múmkіn.

Sınoptıkter turǵyndarǵa aýa raıynyń kúrt ózgerýіne baılanysty saqtyq sharalaryn saqtaýdy, aptap ystyq kezіnde uzaq ýaqyt kún astynda júrmeýdі jáne órt qaýіpsіzdіgі talaptaryn buzbaýdy eskerttі.