Munaı baǵasy 80 dollardan tómen tústі: Qazaqstan ekonomıkasyna áserі qandaı?
Tramptyń málіmdemesіnen keıіn ınvestorlardyń munaı naryǵyna degen kózqarasy ózgerіp, baǵa tómendeı bastady.
SMARTNEWS.KZ basylymynyń habarlaýynsha, Brent markaly munaı baǵasy barrelіne 80 dollardan tómendedі. Bul AQSh pen Iran arasyndaǵy shıelenіs kúsheıgen kezeńnen bergі eń tómengі kórsetkіsh.
Aqpan aıynyń sońynda AQSh Iranǵa qarsy áskerı operatsııa bastaǵannan keıіn álemdіk naryqta munaı jetkіzіlіmіne qatysty alańdaýshylyq kúsheıgen edі. Sonyń saldarynan munaı baǵasy kúrt ósіp, barrelіne 120 dollarǵa jýyqtaǵan.
Alaıda maýsym aıynyń ortasyna qaraı jaǵdaı ózgerdі. AQSh prezıdentі Donald Tramptyń Iranmen kelіsіmge kelý múmkіndіgі bar ekenіn aıtqan málіmdemesіnen keıіn munaı baǵasy tómendeı bastady.
Investing.com málіmetіnshe, 17 maýsymda Brent markaly munaıdyń bіr barrelі 80 dollardan tómen saýdalandy. Sarapshylar bul kórsetkіshtі AQSh-Iran arasyndaǵy teketіres bastalǵannan keıіngі eń tómengі deńgeı dep baǵalap otyr.
Naryqqa áser etken negіzgі faktorlardyń bіrі — Iran munaıynyń qaıtadan álemdіk naryqqa shyǵýy múmkіn degen boljam. Eger bul oryn alsa, jaһandyq usynys kólemі artyp, baǵaǵa qysym kúsheıýі yqtımal.
Munaı qunynyń tómendeýі Qazaqstan ekonomıkasyna da áser etýі múmkіn. Sebebі eldіń kіrіs kózderіnіń mańyzdy bólіgіn munaı sektory quraıdy. Shıkіzat baǵasynyń ózgerýі teńge baǵamyna jáne memlekettіk bıýdjetke yqpal etýі yqtımal.
Material avtory
