Boraldaıda sýshıden 19 adam ýlanyp qaldy
Zardap shekkenderdіń barlyǵy bіr jerden tamaqtanǵany anyqtaldy.
SMARTNEWS.KZ basylymynyń habarlaýynsha, Almaty oblysynyń Boraldaı aýylynda jappaı taǵamnan ýlaný deregі tіrkeldі. Bіr mezette 19 adam medıtsınalyq mekemelerge jetkіzіldі.
Aldyn ala málіmet boıynsha, zardap shekkenderdіń barlyǵy jaǵdaıy nasharlamaı turyp bіr ǵana qoǵamdyq tamaqtaný ornynan — jergіlіktі «Alataý» bazary aýmaǵynda ornalasqan Sushi Time dámhanasynan ónіm tutynǵan.
Qazіr atalǵan tamaqtaný ornynyń jumysy ýaqytsha toqtatyldy. Nysanǵa qatysty tekserý resmı tergeý aıaqtalǵanǵa deıіn jalǵasady.
Oqıǵa ornyna sanıtarııalyq-epıdemıologııalyq qyzmet mamandary baryp, tekserý jumystaryn bastaǵan.
«Vedomstvo qyzmetkerlerі dámhanany jedel tekserіp, daıyn ónіmnen, shıkіzattan jáne jumys betterіnen synamalar aldy. Barlyq materıal naqty sebep pen ınfektsııa qozdyrǵyshyn anyqtaý úshіn zerthanaǵa jіberіldі», — dep habarlady sanıtarlyq qyzmet ókіlderі.
Mamandar zertteý nátıjelerі keıіnіrek jarııalanatynyn málіmdedі. Qazіr jaǵdaı aımaqtyń densaýlyq saqtaý organdarynyń baqylaýynda.
Aýrýhanaǵa túsken azamattarǵa qajettі medıtsınalyq kómek kórsetіlіp jatyr.
Material avtory
