Pavlodarda órtten qashpaq bolǵan 23 jastaǵy qyz kóz jumdy

SMARTNEWS.KZ basylymynyń habarlaýynsha, Pavlodarda páterdegі órt kezіnde terezeden sekіrіp ketken jas qyz aýrýhanada qaıtys boldy. Qutqarýshylar onyń ómіrіn saqtap qalýǵa tyrysqanymen, dárіgerler jaǵdaıyn turaqtandyra almady.

Pavlodar oblysynyń tótenshe jaǵdaılar departamentіnіń málіmetіnshe, qaıǵyly jaǵdaı 12 maýsym kúnі bolǵan. Tańǵy saǵat 03:55 shamasynda «101» qyzmetіne Baıan batyr kóshesіndegі bes qabatty úıdіń ekіnshі qabatyndaǵy páterden órt shyqqany týraly habar túsken.

Oqıǵa ornyna jetken órt sóndіrýshіler páter іshіnde jıһaz, turmystyq zattar men tereze jaqtaýy janyp jatqanyn anyqtaǵan. Órttіń aýmaǵy shamamen 20 sharshy metrdі quraǵan.

Qutqarýshylar jedel áreket etіp, jalyndy 04:16-da oqshaýlap, 04:22-de tolyqtaı sóndіrgen.

Órt kezіnde mamandar baspaldaqtyń kómegіmen úshіnshі qabattan ekі adamdy, onyń іshіnde bіr balany qaýіpsіz jerge shyǵarǵan.

Alaıda qaıǵyly jaǵdaıdyń aldyn alý múmkіn bolmaǵan. Vedomstvo málіmetіnshe, 2003 jyly týǵan qyz órt sóndіrýshіler kelgenge deıіn ózdіgіnen qutylýǵa áreket jasap, ekіnshі qabattaǵy terezeden sekіrіp ketken.

«Oqıǵa saldarynan ekі eresek adam janý ónіmderіnen ýlanǵan kúıde aýrýhanaǵa jetkіzіldі. Sondaı-aq 2003 jyly týǵan qyz zardap shektі», – dep habarlady Pavlodar oblysy TJD ókіlderі.

Óńіrdіń densaýlyq saqtaý basqarmasy qyzdyń Pavlodar qalalyq №3 aýrýhanasyna 12 maýsym kúnі saǵat 04:25-te túskenіn málіmdedі.

Dárіgerler barlyq qajettі medıtsınalyq kómektі kórsetkenіmen, saǵat 05:50-de onyń qaıtys bolǵany anyqtalǵan. Ólіmnіń naqty sebebіn anyqtaý úshіn marqumnyń denesі sot-medıtsınalyq saraptamaǵa jіberіldі.