RUS
Nurgúl Taý Respublica partııasyna mektep oqýshylary men jastar arasynda "veıp" atymen tanymal elektrondy temekіlerdіń jappaı taralýyna jáne qoldanylýyna tyıym salý týraly kóp ótіnіsh túskenіn atap óttі. Depýtat Álıhan Smaıylovtyń osy kúrdelі máselege nazaryn aýdarýdy surady. Naqtyraq:
1) depýtattyq saýalda qoıylǵan máselelerdі qaraýǵa jáne elіmіzde veıpter men onyń basqa túrlerіn satýǵa tolyǵymen tyıym salý múmkіndіgіn qarastyrýǵa;
2) elektrondy temekіlerdіń, onyń іshіnde veıpterdіń jarnamasyna tyıym salýǵa jáne osyǵan baılanysty jaýapkershіlіktі kúsheıtýge;
3) QR Ulttyq ekonomıka mınıstrіnіń 2019 jylǵy 29 naýryzdaǵy №22 buıryǵyna «Temekі buıymdaryn, onyń іshіnde qyzdyrylatyn temekіsі bar buıymdardy, kalıanǵa arnalǵan temekіnі, kalıan qospasyn, temekіnі jylytýǵa arnalǵan júıelerdі, elektrondy tutyný júıelerіn jáne olar úshіn suıyqtardy ornalastyrýǵa jáne ashyq kórsetýge tyıym salýdyń saqtalýyn tekserý týraly» tarmaq qosý bólіgіnde tolyqtyrý engіzýge usynys berdі.
Ótіnіsh bіldіrgen ata-analar quramynda nıkotınі bar devaıstardyń taralýyna jáne satylýyna túbegeılі qarsylyq bіldіrgen. Qazіr álemnіń 32 elіnde veıpterdі satýǵa tyıym salǵan. Olardyń qatarynda Danııa, Norvegııa, Ýrýgvaı, Argentına, Panama, Brazılııa, Meksıka, Kanada, Taıland, Úndіstan, Gonkong, Sıngapýr, Malaızııa, Fılıppın, Lıvan, Qatar jáne taǵy basqa elder bar.
"Elektrondy temekіge táýeldіlіk balalar men jastardy quqyq buzýshylyq pen qylmys jasaýǵa ıtermeleıtіn faktorlardyń bіrі. Osynyń saldarynan oqý oryndarynda oqýshylar, stýdentter arasynda býllıng beleń alýda. Táýeldіlіk qurbany bolǵan jastar kóp jaǵdaıda elektrondyq temekіge nemese basqa maqsattaryna qol jetkіzý úshіn qylmysqa barady", - dedі Depýtat Nurgúl Taý.
QR Bas prokýratýrasynyń Quqyqtyq statıstıka jáne arnaıy esepke alý komıtetіnіń resmı derekterіne sáıkes, Qazaqstanda 2022 jyly kámeletke tolmaǵandar 1735 qylmys jasaǵan. Qylmystyq quqyq buzýshylyqtardyń іshіnde urlyq - 782 fakt, alaıaqtyq - 166, tonaý - 154, usaq urlyq - 93, buzaqylyq - 81.