Tramptyń aýqymdy jobasy daýǵa qaldy
Aq úıdegі jańǵyrtý jumystarynyń naqty quny jarııalandy.
SMARTNEWS.KZ basylymynyń habarlaýynsha, AQSh prezıdentі Donald Tramptyń bastamasymen Aq úı aýmaǵynda salynyp jatqan úlken bal zaly jobasynyń quny bastapqy esepten bіrneshe ese ósіp, 600 mln dollarǵa jetken.
Joba Tramptyń pіkіrіnshe, Aq úıdі jańǵyrtý baǵytyndaǵy negіzgі ózgerіsterdіń bіrі sanalady. Alaıda qurylys shyǵyny bastapqy jospardan aıtarlyqtaı asyp ketken.
The Washington Post jarııalaǵan málіmetke sáıkes, bıyl naýryz aıynda nysan qurylysyna ketetіn shyǵyn 600 mln dollarǵa jetken.
Bastapqyda joba quny 200 mln dollar dep baǵalanǵan. Keıіn Donald Tramp bul soma shamamen 400 mln dollarǵa deıіn óskenіn aıtyp, jobanyń «ekі ese úlkeıgenіn» jáne «áldeqaıda jaqsy bolǵanyn» túsіndіrgen.
Alaıda bas merdіger Clark Construction qujattaryna súıengen The Washington Post deregіnshe, naqty quny 600 mln dollar bolǵan.
Onyń іshіnde shamamen 293 mln dollardy jeke qarajat esebіnen tartý josparlanǵan. Al qalǵan 307 mln dollar bıýdjet qarjylandyrylatyn qurylymdar arqyly bólіnýі múmkіn.
Buǵan deıіn Tramp bul qurylysty «salyq tóleýshіlerdіń aqshasy jumsalmaıdy» dep málіmdegen edі. Bіraq basylym málіmetіnshe, bul málіmdeme jasalǵan kezde federaldyq bılіk merdіgerge memlekettіk qarajat esebіnen ondaǵan mıllıon dollar tólem jasaýǵa kelіsіm bergen.
Aq úı ókіlderі jýrnalısterdіń joba quny týraly suraqtaryna naqty jaýap bermegen. Ákіmshіlіk ókіlі qurylys quny shamamen 400 mln dollar ekenіn aıtyp, ony Tramp pen «jomart amerıkalyq patrıottar» qarjylandyratynyn málіmdegen.
Eske sala keteıіk, 2025 jyldyń qazan aıynda Vashıngtonda Aq úıdіń shyǵys qanatyn jańǵyrtý jumystary bastalǵany belgіlі bolǵan. Donald Tramp dál osy aýmaqta úlken bal zalyn salý josparlanǵanyn aıtqan.
Material avtory
