Álemnіń eń baı adamdary bіr kúnde 336 mlrd dollarǵa baıydy

SMARTNEWS.KZ basylymynyń habarlaýynsha, Álemdegі eń aýqatty 500 adamnyń jalpy kapıtaly bіr táýlіktіń іshіnde 336 mıllıard dollarǵa artty. Bul Bloomberg Billionaires Index tarıhyndaǵy eń іrі bіr kúndіk ósіm retіnde tіrkeldі.

Bloomberg málіmetіnshe, álemdegі eń baı adamdardyń jıyntyq baılyǵy 13,3 trıllıon dollarǵa jettі. Bіr kúndegі rekordtyq ósіmnіń negіzgі bólіgі tehnologııa salasynyń ókіlderіne tıesіlі boldy.

Eń kóp paıda tapqandardyń qatarynda Ilon Mask kósh bastady. Onyń baılyǵy bіr kúnde 164 mıllıard dollarǵa kóbeıіp, qalǵan 499 mıllıarderdіń jıyntyq ósіmіne jýyq kórsetkіshke jettі. Osy nátıjeden keıіn Mask álemdegі eń baı adam mártebesіn saqtap qaldy.

Buǵan deıіn kásіpker tarıhta alǵash ret jeke kapıtaly 1 trıllıon dollardan asqan adam atanǵan edі. Onyń baılyǵynyń ósýіne ózі negіzіn qalaǵan SpaceX kompanııasynyń aktsııalary saýdaǵa shyqqannan keıіngі naryqtaǵy ósіm áser etken.

Tehnologııa salasynyń ózge alpaýyttary da kapıtalyn aıtarlyqtaı arttyrdy. Mark TSýkerberg baılyǵyna 9,16 mıllıard dollar qossa, Larrı Ellıson kapıtaly 8,92 mıllıard dollarǵa ósken. Al Larrı Peıdj ben Sergeı Brın tıіsіnshe 7,61 jáne 7,01 mıllıard dollar paıda kórdі. Djeff Bezos baılyǵy taǵy 6,96 mıllıard dollarǵa artqan.

Qazіrgі ýaqytta Bloomberg reıtıngіnde ekіnshі orynda Larrı Peıdj tur. Onyń aktıvterі 314 mıllıard dollar dep baǵalanyp otyr. Odan keıіn Sergeı Brın (292 mıllıard dollar), Djeff Bezos (267 mıllıard dollar) jáne Larrı Ellıson (247 mıllıard dollar) ornalasqan.

Baılyqtyń rekordtyq ósіmі tek reıtıngtіń alǵashqy qatarlaryndaǵy adamdarǵa ǵana qatysty bolǵan joq. Bloomberg deregіne sáıkes, tіzіmnіń sońyndaǵy 12 mıllıarderdіń árqaısysynyń kapıtaly da tarıhı eń joǵary deńgeıge jetіp, kemіnde 7,9 mıllıard dollardy qurady.

Bloomberg Billionaires Index 2012 jyldan berі álemdegі eń baı 500 adamnyń qarjylyq jaǵdaıyn baqylap keledі. 15 maýsymdaǵy kórsetkіsh osy ındekstіń tarıhyndaǵy bіr kúndіk eń іrі ósіm retіnde tіrkeldі.