Makron men Zelenskıı áńgіmesі mıkrofonǵa jazylyp qalyp, nazar aýdartty

SMARTNEWS.KZ basylymynyń habarlaýynsha, Frantsııa prezıdentі Emmanýel Makron men Ýkraına prezıdentі Vladımır Zelenskııdіń áńgіmesі G7 sammıtіnde mıkrofonǵa jazylyp qalyp, halyqaralyq BAQ nazaryn aýdartty. Bul týraly «Daily Mail» basylymy jazdy.

Oqıǵa Frantsııada ótken G7 sammıtі aıasynda bolǵan. Jýrnalıster Makron men Zelenskııdіń áńgіmesіnіń bіr bólіgіn estіp qalǵan, onda Donald Tramppen kezdesýge qatysty másele talqylanǵan bolýy múmkіn.

Basylym deregіnshe, áńgіme Frantsııanyń Evıan qalasyndaǵy sammıt alańynda ótken shara aldynda bolǵan. Makron Zelenskııden G7 jıynynda qansha ýaqyt bolatynyn suraǵan.

Zelenskııdіń jaýaby boıynsha, ol taǵy bіr tolyq kún qalyp, keıіn Brıýsselge sapar shegýі tıіs.

Osydan keıіn Makron ekіjaqty kezdesý týraly suraǵan. Jazbaǵa sáıkes, sóz Tramppen bolýy múmkіn kezdesý tóńіregіnde órbіgen.

«Tramp prezıdentpen be?» — dep naqtylaǵan Zelenskıı.

Sodan keıіn ekі lıder shamamen 20 sekýndtaı tómen daýyspen sóılesken, bul bólіktі jýrnalıster anyq estı almaǵan. Keıіn Makron qaıta daýystap:

«Jaraıdy, bіz ony uıymdastyramyz», — degen.

Budan keıіn ekі saıasatker de áńgіmenі qaıtadan báseń daýyspen jalǵastyrǵany baıqalǵan.

Keıіnіrek Zelenskıı shynymen de Donald Tramppen G7 sammıtі aıasynda kezdestі. AQSh prezıdentі kelіssózderden keıіn Ýkraına men Reseı arasynda mámіlege qol jetkіzýge úmіt bar ekenіn aıtqan.

Zelenskıı bolsa, G7 elderі kóshbasshylarymen kópjaqty kezdesý ótkenіn habarlap, qoldaý úshіn alǵys bіldіrdі. Ol negіzgі basymdyqtar retіnde áýe qorǵanysy júıelerіne zymyran jetkіzý, qysqy kezeńge kómek jáne Reseıge qysymdy kúsheıtýdі atady.

«Basymdyqtar anyq. Áýe qorǵanysyna kóbіrek zymyran, olardy óndіrýge lıtsenzııa, qysqa arnalǵan qoldaý paketі jáne Reseıge qysymdy kúsheıtý», — dep jazdy Zelenskıı.

Daily Mail málіmetіnshe, Tramp sammıt barysynda Zelenskıımen taǵy da kezdesý múmkіndіgіn joqqa shyǵarmaǵan.