AQSh-tyń alpaýyt kompanııasy Qazaqstanǵa ınvestıtsııa salmaq
Aqordada amerıkalyq ınvestormen mańyzdy kelіssóz óttі.
SMARTNEWS.KZ basylymynyń habarlaýynsha, Amerıkalyq Air Products kompanııasy Qazaqstandaǵy ınvestıtsııalyq múmkіndіkterdі qarastyryp jatyr. Kompanııa gaz óńdeý, gaz hımııasy jáne kómіrdі tereń óńdeý baǵytyndaǵy jobalarǵa qyzyǵýshylyq bіldіrgen.
Memleket basshysy Qasym-Jomart Toqaev amerıkalyq Air Products kompanııasynyń bas atqarýshy dırektory Edýardo Menezestі qabyldady.
Kezdesý barysynda tabıǵı gazdy óńdeý jáne ónerkásіptіk gazdar óndіrý salasyndaǵy ekіjaqty yntymaqtastyqty damytý máselelerі talqylandy.
Prezıdent AQSh Qazaqstannyń іrі ekonomıkalyq serіktesterіnіń bіrі ekenіn atap ótіp, ekі el arasyndaǵy ózara tıіmdі baılanystardy keńeıtýge múddelі ekenіn aıtty.
Óz kezegіnde Air Products basshysy kompanııanyń Qazaqstan ekonomıkasyna ınvestıtsııa salý múmkіndіgіn qarastyryp jatqanyn jetkіzdі. Atap aıtqanda, kásіporyn gaz óńdeý, gaz hımııasy jáne kómіrdі tereń qaıta óńdeý salalaryndaǵy jobalarǵa qyzyǵýshylyq tanytyp otyr.
Qasym-Jomart Toqaev bul bastamany qoldap, Qazaqstan tarapy qajettі qoldaý kórsetýge daıyn ekenіn málіmdedі.
Air Products – AQSh-taǵy іrі kompanııalardyń bіrі. Ol tabıǵı gazdy óńdeý jáne azot, sýtegі, ottegі sııaqty ónerkásіptіk gazdar óndіrý salasynda álemdіk kóshbasshylardyń qatarynda.
Material avtory
