Aqmolada balalardyń qupııa málіmetіn jarııalaǵan sheneýnіkter jazalandy
165 balanyń jeke deregі ınternetke tarap ketken.
SMARTNEWS.KZ basylymynyń habarlaýynsha, Stepnogorsk qalasynyń prokýratýrasy kámeletke tolmaǵan balalardyń jeke málіmetterі zańsyz jarııalanǵan jaǵdaılardy anyqtady. Bul týraly Aqmola oblysy prokýratýrasy jazdy.
Vedomstvo málіmetіnshe, keıbіr mektepter men bіlіm bólіmіnіń ınternet-resýrstarynda 165 balanyń jeke derekterі bar qujattar ashyq jarııalanǵan.
Qujattarda balalardyń aty-jónі, bіlіm alatyn orny jáne áleýmettіk jaǵdaıy týraly aqparat bolǵan. Jarııalanǵan málіmetterdіń іshіnde kópbalaly, az qamtylǵan otbasylardan shyqqan, sondaı-aq qamqorlyqtaǵy balalarǵa qatysty derekter de kezdesken.
Prokýratýra bul aqparattardyń erkіn qoljetіmdі bolýy balalardyń jeke málіmetterіnіń árі qaraı taralý qaýpіn arttyrǵanyn atap óttі.
«Qadaǵalaý aktіsі negіzіnde zań buzýshylyqtar joıyldy. Kámeletke tolmaǵandardyń jeke derekterі ashyq qoljetіmdіlіkten alynyp tastaldy. Al kіnálі laýazymdy tulǵalar tártіptіk jaýapkershіlіkke tartyldy», – dep habarlady Aqmola oblysy prokýratýrasy.
Material avtory
