«Kelіsіmdі buzsańdar, jaýap qatty bolady»: Iran AQSh-qa eskertý jasady
Tegeran Vashıngtonǵa ashyq eskertý joldady.
SMARTNEWS.KZ basylymynyń habarlaýynsha, Iran parlamentіnіń spıkerі Muhammad Bager Ǵalıbaf Iran men AQSh arasyndaǵy memorandýmǵa qatysty málіmdeme jasap, kelіsіm talaptary oryndalmasa, Tegeran qatań jaýap beretіnіn aıtty.
Ǵalıbaf bul týraly áleýmettіk jelіdegі paraqshasynda jazǵan. Onyń sózіnshe, Iran Joǵarǵy kóshbasshynyń tapsyrmasyna sáıkes kelіsіmnіń barlyq talaptary men tarmaqtarynyń oryndalýyn baqylaýdy jalǵastyrady.
Parlament basshysy eger qarsy tarap ýaǵdalastyqtardy buzsa nemese shamadan tys talaptar qoısa, Iran oǵan jaýap beretіnіn málіmdedі.
«Bіr kezderі soǵys kezіnde olar soqqy aldy. Eger sol jolǵa qaıta túsýdі qalasa, budan da aýyr jaýap alady», – dedі Ǵalıbaf.
Buǵan deıіn AQSh pen Iran ózara túsіnіstіk týraly memorandýmǵa elektrondy túrde qol qoıǵany habarlanǵan. Jenevada josparlanǵan resmı qol qoıý rásіmі ótpeıtіn boldy.
Keıіn AQSh Iranmen qol jetkіzіlgen memorandým mátіnіn jarııalady.
Sondaı-aq AQSh vıtse-prezıdentі Djeı Dı Vens Iranmen kelіsіmge qol qoıý jáne kelіssózder ótkіzý úshіn Shveıtsarııaǵa josparlanǵan saparyn toqtatqany belgіlі boldy.
Buǵan deıіn Vens amerıkalyq delegatsııany kelіssózderde ózі basqaratynyn aıtqan edі. Alaıda sapardyń ótýі Iran tarapynyń ustanymyna jáne Tegeran ókіlderіnіń kelіssózge kelýіne baılanysty ekenіn jetkіzgen.
Material avtory
