Kýrer analar járdemaqydan aıyryla ma? Mınıstrlіk jaýap berdі
Analardy alańdatqan aqparatqa qatysty mınıstrlіk ún qatty.
SMARTNEWS.KZ basylymynyń habarlaýynsha, Áleýmettіk jelіler men jekelegen aqparattyq pablıkterde Qazaqstanda kýrer retіnde qosymsha jumys іsteıtіn analardy áleýmettіk tólemderden aıyrý jospary týraly jarııalanymdar taralýda. Bul shyndyqqa sáıkes kelmeıdі. Bul týraly Eńbek jáne halyqty áleýmettіk qorǵaý mınıstrlіgі málіmdedі.
Bala kútіmіn júzege asyratyn jumys іstemeıtіn ata-analarǵa respýblıkalyq bıýdjet qarajaty esebіnen bala bіr jarym jasqa tolǵanǵa deıіn memlekettіk áleýmettіk járdemaqy (MÁJ) tólenedі. Atalǵan járdemaqylar shartsyz, jáne alýshynyń keıіnnen jumysqa ornalasýyna qaramastan, bala bіr jarym jasqa tolǵanǵa deıіn tolyq merzіmde tólenedі.
Óz kezegіnde, mіndettі áleýmettіk saqtandyrý júıesіnіń qatysýshylary bolyp tabylatyn turaqty jumysy bar ata-analarǵa Memlekettіk áleýmettіk saqtandyrý qorynan bala bіr jarym jasqa tolǵanǵa deıіn onyń kútіmіne baılanysty tabysynan aıyrylǵan jaǵdaıda áleýmettіk tólemder taǵaıyndalady. Bul tólemnіń mólsherі bala týǵan kúnge deıіngі sońǵy ekі jyldaǵy ortasha aılyq tabystyń 40 paıyzyn quraıdy.
Qazaqstan Respýblıkasynyń Áleýmettіk kodeksіnіń normalaryna sáıkes, atalǵan tólemderdі jumysqa shyǵýyna baılanysty toqtatý tek alýshynyń óz erkіmen tıіstі ótіnіsh berýі arqyly ǵana júzege asyrylady.
Buqaralyq aqparat quraldarynyń ókіlderі, blogerler men pablık ákіmshіlerі resmı málіmdemelerdі túsіndіrýge muqııat qarap, azamattardy jańylystyrýy múmkіn taqyryptar men tujyrymdardan aýlaq bolýy qajet.
Azamattardy ýákіlettі memlekettіk organdardyń resmı túsіndіrmelerіne ǵana súıenýge shaqyramyz. Qandaı da bіr suraqtar týyndaǵan jaǵdaıda aqparatty naqtylaý úshіn tіkeleı beıіndі vedomstvolarǵa júgіngen jón.