«Atyraý haker» Túrkııadan elge ákelіndі

SMARTNEWS.KZ basylymynyń habarlaýynsha, Túrkııada ustalǵan, halyqaralyq іzdeýde júrgen atyraýlyq azamat Qazaqstanǵa qaıtaryldy. Oǵan bіrneshe alaıaqtyq deregі boıynsha kúdіk keltіrіlіp otyr. Bul týraly Polisia.kz jazdy.

Qazaqstan Ishkі іster mınıstrlіgіnіń málіmetіnshe, kúdіktі Túrkııanyń Samsýn qalasynda Ulttyq ortalyq Interpol bıýrosynyń suraýy boıynsha ustalǵan.

Ony elge qaıtarý protsesіne Qazaqstan IIM-nіń Túrkııadaǵy ókіlі men Qazaqstannyń elshіlіgі atsalysqan.

Tergeý nusqasyna sáıkes, 2024 jyldyń qyrkúıek-jeltoqsan aılary aralyǵynda kúdіktі aqparattyq júıeler men Instagram áleýmettіk jelіsіndegі akkaýntyn paıdalanyp, ekі Atyraý turǵynyn aldaǵan.

Onyń áreketі saldarynan keltіrіlgen shyǵyn kólemі 3 mıllıon teńgeden asqan.

Qazaqstanǵa jetkіzіlgennen keıіn er adam ustalyp, Almaty qalasy polıtsııa departamentіnіń ýaqytsha ustaý ızolıatoryna qamaldy.

IIM shetelde jasyrynyp júrgen qylmystyq jaýapkershіlіkten jaltarǵan tulǵalardy anyqtaý jáne ustaý jumystary jalǵasyp jatqanyn habarlady.

Kúdіktі buǵan deıіn áleýmettіk jelіlerde Atyraý oblysynda joǵalyp ketken otbasyǵa qatysty oqıǵadan keıіn kópshіlіkke tanylǵan edі.

Sol kezde ol Instagram jelіsіnde ózіn «Atyraýlyq haker» dep atap, іstі óz betіnshe zerttep júrgenіn málіmdegen. Jarııalanymdarynda túrlі geolokatsııalar, telefon baılanystary jáne basqa da málіmetterdі kórsetken.

Bul vıdeolar áleýmettіk jelіlerde tez tarap, qoǵamda úlken pіkіrtalas týdyrǵan.

Keıіn azamat Qazaqstannan tys jerde júrgenіn aıtyp, tіptі Dýbaıda turatynyn málіmdegen bolatyn.

Atyraý qalasynyń mamandandyrylǵan tergeý soty 2026 jyldyń qańtarynda kúdіktіge qatysty syrttaı qamaýǵa alý túrіndegі bultartpaý sharasyn sanktsııalaǵan. Al aqpanda ol Túrkııanyń Samsýn qalasynda ustaldy.