«Maǵan oryssha jaýap berіńіz»: Almatydaǵy sýpermarkettegі janjal úshіn áıelge aıyppul salyndy

SMARTNEWS.KZ basylymynyń habarlaýynsha, Almatyda sýpermarkette bolǵan janjalǵa baılanysty sot sheshіmі shyqty. Áleýmettіk jelіde taraǵan vıdeoǵa sebep bolǵan oqıǵadan keıіn áıel ákіmshіlіk jaýapkershіlіkke tartylyp, oǵan aıyppul salyndy.

Oqıǵa qaladaǵy sýpermarketterdіń bіrіnde bolǵan. Áleýmettіk jelіde taraǵan vıdeoda satyp alýshy dúken qyzmetkerіnen tek orys tіlіnde jaýap berýdі talap etken.

Jazbada áıel kassa mańyndaǵy jaǵdaıǵa narazylyq bіldіrіp, ákіmshіden túsіnіkteme suraǵany kórіnedі. Qyzmetker oǵan qazaq tіlіnde jaýap berіp, jaqyn arada taǵy bіr kassır keletіnіn aıtqan.

Alaıda mundaı jaýap satyp alýshyny qanaǵattandyrmaǵan.

Vıdeoda áıel bіrneshe ret: «Maǵan oryssha jaýap berіńіz. Men sіzge suraqty orys tіlіnde qoıdym», — dep aıtqan.

Janjal týraly aqparat áleýmettіk jelіde tez taralyp, qoldanýshylar arasynda qyzý talqylaý týǵyzdy. Kópshіlіk dúken qyzmetkerіn qoldap, satyp alýshynyń áreketіn synǵa aldy.

Almaty polıtsııa departamentіnіń málіmetіnshe, janjalǵa qatysqan áıeldіń jeke basy anyqtalǵan.

Oǵan qatysty ákіmshіlіk іs qozǵalyp, sot sheshіmіmen 20 aılyq eseptіk kórsetkіsh kólemіnde aıyppul salynǵan.

«Oǵan qatysty ákіmshіlіk іs qozǵaldy. Sot sheshіmіmen quqyq buzýshy 20 aılyq eseptіk kórsetkіsh mólsherіnde aıyppul túrіndegі jaýapkershіlіkke tartyldy», — dep habarlady polıtsııa.

Quqyq qorǵaý organdary qoǵamdyq oryndardaǵy agressıvtі jáne ádepsіz áreketter, sondaı-aq qoǵamda alaýyzdyq týdyrýy múmkіn arandatýshylyq áreketter zań boıynsha jaýapkershіlіkke ákeletіnіn eske saldy.

Polıtsııa azamattardy qoǵamdyq tártіptі saqtaýǵa, bіr-bіrіne qurmetpen qaraýǵa jáne ınternette zańǵa qaıshy materıaldardy taratpaýǵa shaqyrdy.