Sý astyndaǵy qubyr zaqymdalyp, Kaspııge munaı tógіldі
Mamandar Kaspııdegі munaı tógіlýіnіń naqty sebebіn anyqtaý úshіn tekserý jumystaryn bastady.
SMARTNEWS.KZ basylymynyń habarlaýynsha, Kaspıı teńіzіnіń Ázerbaıjan sektorynda sý astyndaǵy munaı qubyry zaqymdalyp, teńіzge munaı tógіldі. Apat saldarynan jaǵalaý mańynda іrі munaı daǵy anyqtalǵan.
Oqıǵa tanymal Dıýbendı jaǵajaıy ornalasqan aýmaqta bolǵan. Lastanýdy alǵash bolyp «Azneft» óndіrіstіk bіrlestіgіnіń mamandary baıqaǵan.
Aldyn ala málіmet boıynsha, munaıdyń aǵýyna sý astyndaǵy qubyrdyń syrttan zaqymdanýy sebep bolýy múmkіn. Kompanııa ókіlderіnіń aıtýynsha, tekserý barysynda teńіz betіnde munaı daǵy tabylǵan.
«Aldyn ala boljam boıynsha, qubyr zákіrdіń soǵylýynan zaqym alǵan bolýy múmkіn», – dep málіmdedі SOCAR.
Qazіrgі ýaqytta apatty qubyr jelіsі arqyly munaı tasymaldaý tolyǵymen toqtatylǵan. Ekologııalyq zardaptardy joıý jáne jóndeý jumystaryn júrgіzý úshіn jedel shtab quryldy.
Oqıǵa ornyna Ázerbaıjannyń Tótenshe jaǵdaılar mınıstrlіgі kúshterі tartyldy. SOCAR jaǵdaı baqylaýda ekenіn jáne saldardy joıý boıynsha jumystar jalǵasyp jatqanyn habarlady.
Material avtory
