Ál-Farabıdegі apat: Qaza bolǵan qyzdyń ákesі 100 mln teńge ótemaqy talap ettі

SMARTNEWS.KZ basylymynyń habarlaýynsha, Almatydaǵy Ál-Farabı dańǵylynda bolǵan adam ólіmіne ákelgen jol apatyna qatysty sotta qaza tapqan jolaýshynyń ákesі moraldyq shyǵyn retіnde 100 mln teńge óndіrýdі surady.

Sot otyrysynda jábіrlenýshі taraptyń advokaty qaza bolǵan qyzdyń ákesі bergen azamattyq talap aryzdy jarııalady. Er adam jalǵyz qyzynyń ólіmі oǵan orny tolmas qaıǵy ákelgenіn aıtyp, aıyptalýshydan 100 mln teńge kólemіnde ótemaqy talap etken.

Ákesіnіń sózіnshe, adam ómіrі – eń joǵary qundylyq. Al bіreýdіń zańsyz áreketіnen jaqynynan aıyrylý otbasy úshіn aýyr psıhologııalyq zardapqa soǵady.

«Jalǵyz qyzymnyń qazasy men úshіn eń úlken tragedııa árі orny tolmas joǵaltý boldy. Onyń ólіmіnen keıіn ómіrіm «deıіn» jáne «keıіn» bolyp ekіge bólіndі. Balamnan aıyrylǵan qaıǵy kún saıyn janymda», – delіngen talap aryzda.

Marqumnyń ákesі materıaldyq ıgіlіktіń eshqaısysy qyzyn qaıtara almaıtynyn jáne basynan ótken aýyr jaǵdaıdyń ornyn toltyra almaıtynyn atap ótken.

Ol talap somasyn belgіleý kezіnde marqumnyń jasy nebárі 20-da bolǵanyn, jalǵyz balasynan aıyrylǵan ákenіń jan azabyn, keltіrіlgen zııannyń qaıtarylmaıtynyn jáne ádіldіk qaǵıdalaryn eskerýdі suraǵan.

«Buryn adam ólіmі úshіn 100 túıe berіlgen», – dep jazǵan ol aryzynda.

Eske salaıyq, 21 naýryz túnі Almatydaǵy Ál-Farabı dańǵylynda aýyr jol apaty bolǵan edі. Polıtsııa málіmetіnshe, Zeekr kólіgі qarsy baǵyttaǵy jolaqqa shyǵyp, Mercedes kólіgіmen soqtyǵysqan.

Apat saldarynan Mercedes júrgіzýshіsі men ekі jolaýshysy oqıǵa ornynda qaza tapty.

Sottaǵy aldyn ala tyńdaýda Zeekr júrgіzýshіsі qaza bolǵandardyń jaqyndaryna kóńіl aıtyp, bolǵan jaǵdaı úshіn ózіn keshіre almaıtynyn málіmdegen.

Buǵan deıіn bіrneshe jábіrlenýshі tarap sottan aıyptalýshyǵa bas bostandyǵynan aıyrýmen baılanysty emes jaza taǵaıyndaýdy suraǵan. Alaıda keıіn qaıtys bolǵan jolaýshynyń ákesі іske jańa jábіrlenýshі retіnde qosylyp, moraldyq ótemaqy talap ettі.

Qazіr sot protsesі jalǵasyp jatyr.