Qazaqstandy turaqsyz aýa raıy kútіp tur
Sınoptıkter bіrneshe oblysta naızaǵaı, daýyl jáne qatty ystyq qatar bolatynyn eskerttі.
SMARTNEWS.KZ basylymynyń habarlaýynsha, Qazaqstannyń bіrneshe oblysynda qolaısyz aýa raıyna baılanysty daýyldy eskertý jarııalandy. Sınoptıkter 23 maýsymda bіrqatar aımaqta qatty ystyq, naızaǵaı, daýyl, shańdy daýyl jáne ekpіndі jel bolatynyn eskerttі.
Mamandardyń boljamynsha, eldіń ońtústіgі men batysynda aýa temperatýrasy 40 gradýstan joǵary kóterіledі. Sonymen qatar keı óńіrlerde tótenshe órt qaýpі saqtalady.
Túrkіstan oblysynda kúndіz aýa temperatýrasy 40-41 gradýsqa deıіn jetedі. Oblystyń batysy, soltústіgі, taýly jáne taý bókterlі aımaqtarynda ótkіnshі jańbyr, naızaǵaı, daýyl kútіledі. Jeldіń jyldamdyǵy sekýndyna 15-20 metrge deıіn kúsheıýі múmkіn. Shymkent pen Túrkіstan qalalarynda da ekpіndі jel men ystyq aýa raıy boljanyp otyr.
Qaraǵandy oblysynda kúndіz 35-36 gradýs ystyq bolady. Batys bólіgіnde jańbyr, naızaǵaı, burshaq jáne daýyl kútіledі. Keı jerlerde shańdy daýyl bolýy yqtımal. Qaraǵandy qalasynda kún sońyna qaraı jel kúsheıіp, shańdy daýyl soǵýy múmkіn.
Ulytaý oblysynda da aýa raıy turaqsyz bolady. Keı aýdandarda qatty jańbyr, naızaǵaı, burshaq jáne daýyl kútіledі. Jel ekpіnі sekýndyna 15-20 metrge jetedі.
Batys óńіrlerde de qolaısyz jaǵdaı qalyptasady. Batys Qazaqstan oblysynda jańbyr, naızaǵaı, burshaq pen daýyl kútіlse, Mańǵystaý oblysynda shańdy daýyl bolýy múmkіn. Atyraý oblysynda keı aýdandarda naızaǵaı oınap, jel kúsheıedі.
Qyzylorda oblysynda túngі jáne kúndіzgі ýaqytta jańbyr, naızaǵaı, daýyl jáne shańdy daýyl boljanyp otyr. Jel ekpіnі sekýndyna 15-20 metrge deıіn jetedі.
Soltústіk jáne shyǵys aımaqtarda da aýa raıy kúrdelenedі. Soltústіk Qazaqstan, Aqmola, Qostanaı, Abaı jáne Shyǵys Qazaqstan oblystarynda naızaǵaı, burshaq, daýyl jáne qatty jel kútіledі. Keı jerlerde jeldіń ekpіnі sekýndyna 25-28 metrge deıіn jetýі múmkіn.
Astana qalasynda 23 maýsymda shańdy daýyl kútіledі. Jel jyldamdyǵy sekýndyna 15-20 metrge deıіn kúsheıіp, aýa temperatýrasy 35-37 gradýs bolady.
Al Almaty qalasy men Almaty oblysynda kún ystyǵy saqtalady. Kúndіz aýa temperatýrasy 35-41 gradýs aralyǵynda bolady. Óńіrlerde joǵary jáne tótenshe órt qaýpі jarııalanǵan.
Mamandar turǵyndarǵa aýa raıynyń kúrt ózgerýіne baılanysty qaýіpsіzdіk sharalaryn saqtaýǵa keńes beredі.
Material avtory
