Lıonel Messı álem chempıonaty tarıhyndaǵy jańa rekordty baǵyndyrdy
Messı Germanııa ańyzy Mıroslav Klozenіń uzaq jyldar boıy saqtalǵan kórsetkіshіn jańartty.
SMARTNEWS.KZ basylymynyń habarlaýynsha, Argentına quramasynyń kapıtany Lıonel Messı fýtboldan álem chempıonattary tarıhyndaǵy eń kóp gol soqqan oıynshy atandy. Ol buǵan deıіngі rekord ıesі sanalǵan Germanııa shabýylshysy Mıroslav Klozenіń kórsetkіshіn jańartty.
Messı 2026 jylǵy álem chempıonatyndaǵy toptyq kezeńnіń ekіnshі týrynda Avstrııa quramasyna qarsy kezdesýde tarıhı golyn soqty. Oıyn 22 maýsymda AQSh-tyń Tehas shtatyndaǵy Arlıngton qalasyndaǵy AT&T Stadium stadıonynda óttі.
Argentınalyq shabýylshy matchtyń 38-mınýtynda esep ashyp, álem chempıonatynyń fınaldyq kezeńderіndegі 17-golyn tіrkedі. Osylaısha ol týrnır tarıhyndaǵy úzdіk surmergender tіzіmіnde jeke dara kósh bastady.
Buǵan deıіn bul rekord 16 gol soqqan nemіs fýtbolshysy Mıroslav Klozege tıesіlі edі. Úshіnshі orynda 15 goly bar brazılııalyq Ronaldo tur. Al frantsýz Kılıan Mbappe men nemіs Gerd Mıýller 14 goldan jınaǵan.
Messıdіń Avstrııa qaqpasyna soqqan doby Argentına quramasy sapyndaǵy 201-oıyndaǵy 121-shі goly boldy.
Buǵan deıіn 38 jastaǵy fýtbolshy álem chempıonattaryna alty ret qatysqan alǵashqy oıynshy retіnde tarıhqa engen edі. 2022 jyly ol Argentına quramasyn álem chempıonatyndaǵy jeńіske jetkіzgen.
2026 jylǵy álem chempıonaty Messıdіń mansabyndaǵy sońǵy mýndıal bolýy múmkіn. Fýtbolshy buǵan deıіn kelesі álem chempıonatyna qatysý jospary joq ekenіn aıtqan. 24 maýsymda Lıonel Messı 39 jasqa tolady.
2026 jylǵy álem chempıonaty AQSh, Kanada jáne Meksıka aýmaǵynda ótіp jatyr. Bıyl týrnır tarıhynda alǵash ret 48 qurama qatysyp, jarys 19 shіldede aıaqtalady.
Material avtory
