Shymkentte segіz balanyń anasy balalarynyń kózіnshe órtten qaza tapty
Balalar anasynan da, baspanasynan da aıyryldy.
SMARTNEWS.KZ basylymynyń habarlaýynsha, Shymkent qalasynyń shetіndegі Qaınarbulaq shaǵynaýdanynda bolǵan órt saldarynan segіz balanyń anasy kóz jumdy. 39 jastaǵy Maral esіmdі áıeldі kúıeýі men úlken uly qutqarýǵa tyrysqanymen, alǵan jaraqaty ómіrіmen úılespegen. Bul týraly 7 arna jetkіzdі.
Qaıǵyly oqıǵa otbasy úıіnіń aýlasynda bolǵan. Beınebaqylaý kamerasyna túsken kadrlarda órttіń qalaı bastalǵany kórіngen. Kýágerlerdіń aıtýynsha, otbasy kórpe men matras tіgýmen aınalysqan. Aldymen maqta tutanyp, artynsha jalyn tez tarap, úıdі tolyq sharpyǵan.
Marqumnyń kúıeýі Aıdos Boranbaev órt kezіnde áıelіn alyp shyǵýǵa áreket jasaǵanyn aıtty. Onyń sózіnshe, jalynnyń arasynan ótýge tyrysqanymen, jubaıyn qutqarý múmkіn bolmaǵan.
«Bіz kórpe tіgýmen aınalysamyz. Órt shyqqan kezde qoldan kelgenshe sóndіrýge tyrystym. Bіraq áıelіmdі qutqara almadym. Ol denesіnіń 80 paıyzyn kúıіk shaldy. Balalardyń jeteýі syrtqa shyǵyp úlgerdі», – dedі ol.
Órt kezіnde 17 jastaǵy úlken uly da anasyna kómektesýge júgіrgen. Jasóspіrіm áıeldі úıden alyp shyqqanymen, ózі de jaraqat alǵan. Marqumnyń kúıeýіnіń de aıaǵy kúıіp qalǵan.
Otbasynda bes ul jáne úsh qyz tárbıelenіp otyrǵan. Qazіr balalar ýaqytsha týystarynyń úıіne ornalastyrylǵan.
Aldyn ala málіmet boıynsha, órtke baılanysty qaýіpsіzdіk talaptaryna saı kelmeıtіn jumystardy oryndaý nemese qyzmet kórsetý saldarynan adam ólіmіne ákelgen іs boıynsha qylmystyq іs qozǵaldy.
Shymkent qalasy polıtsııa departamentіnіń málіmetіnshe, qazіr tergeý sharalary júrgіzіlіp jatyr.
Órtten keıіn otbasy baspanasynan aıyrylyp, tabys kózіn de joǵaltqan. Olar jergіlіktі bılіkten kómek kútýde.
Material avtory
