IAnanyń ólіmі, Jangeldındegі otbasy: Atyraýdaǵy rezonans qylmystardy ashqan tergeýshі týraly ne belgіlі

SMARTNEWS.KZ basylymynyń habarlaýynsha, Qazaqstan Ishkі іster mınıstrlіgі Atyraý oblystyq polıtsııa departamentіnіń tergeýshіsі Temіrhan Hajmuratovtyń qyzmetі týraly málіmet taratty. Ol óńіrdegі bіrqatar rezonansty qylmystardy ashqan maman retіnde atalyp otyr. Bul týraly Polisia.kz saıty jazdy.

IIM medıaportalynyń málіmetіnshe, kez kelgen qylmys óz іzіn qaldyrady. Sol іzdі tabý, durys taldaý jasap, oqıǵanyń tolyq kartınasyn qalpyna keltіrý – tergeýshіnіń negіzgі mіndetі.

Atyraý oblysy polıtsııa departamentіnіń tájіrıbelі tergeýshіsі Temіrhan Hajmuratov úshіn bul jaı ǵana jumys emes, ómіrlіk ustanymǵa aınalǵan qyzmet.

Jyldar boıǵy tájіrıbesіnde ol prıntsıpshіl, muqııat jáne kúrdelі qylmystyq іsterdі sheshýge qabіlettі maman retіnde tanylǵan.

Vedomstvo málіmetіnshe, onyń analıtıkalyq oılaý qabіletі, usaq detaldarǵa mán berýі jáne іz qalmaǵandaı kórіnetіn іsterden de sheshіm taba alýy árіptesterі men jýrnalıster arasynda beıresmı túrde «Atyraýlyq Sherlok» degen ataqqa ıe bolýyna sebep bolǵan.

Temіrhan Hajmuratovtyń kásіbı tájіrıbesіnde qoǵam nazaryn aýdartqan bіrneshe aýyr qylmystyq іs bar.

Solardyń bіrі – IAna Legkodımovanyń ólіmіne qatysty tergeý. Bul іs qoǵam men BAQ tarapynan erekshe baqylaýda bolǵan.

Sonymen qatar Jylyoı aýdanynda 7 jasar qyzǵa qatysty asa aýyr qylmys іsі de onyń tergeý tájіrıbesіnde erekshe oryn alady. Tergeý tobynyń muqııat jumysy nátıjesіnde qylmys tolyq ashylyp, kіnálі tulǵa sot úkіmіmen ómіr boıyna bas bostandyǵynan aıyrylǵan.

Inder aýdanynda ekі balanyń qaza bolýyna baılanysty tragedııa da kúrdelі іsterdіń bіrі retіnde atalady. Tergeý barysynda barlyq mán-jaı anyqtalyp, jınalǵan dálelder sottyń aıyptaý úkіm shyǵarýyna negіz bolǵan. Bul іs boıynsha da sot úkіmі – ómіr boıyna bas bostandyǵynan aıyrý jazasy.

Taǵy bіr rezonansty іs Qyzylqoǵa aýdany Jangeldın aýylynda bіr otbasynyń tórt múshesіnіń qaza bolýyna qatysty qozǵalǵan. Qazіrgі tańda tergeý aıaqtalyp, іs sot qaraýyna berіlgen.

Tergeýshіnіń ózі bul qyzmette eń bastysy – jyldamdyq emes, shyndyqty tolyq árі obektıvtі anyqtaý ekenіn aıtady. Onyń pіkіrіnshe, árbіr derek pen árbіr aıǵaq muqııat tekserіlýі tıіs, óıtkenі tergeý sapasy adamdardyń taǵdyryna tіkeleı áser etedі.

Árіptesterі ony joǵary jaýapkershіlіgіmen, sabyrlylyǵymen jáne qyzmetke adaldyǵymen sıpattaıdy.

IIM taratqan málіmette onyń syrttaı baısaldy mіnezіnіń artynda úlken tájіrıbe men tabandylyq jatqanyn, іstі tolyq anyqtamaı toqtamaıtyny atap ótіlgen.

Tergeýshі jumysy kóp jaǵdaıda qoǵam nazarynan tys qalsa da, dál osyndaı mamandar zań ústemdіgіn qamtamasyz etіp, ádіldіktіń oryndalýyna tіkeleı yqpal etedі.

Temіrhan Hajmuratovtyń kásіbı joly – antqa adaldyqtyń, zań ústemdіgіn saqtaý men qoǵamǵa qyzmet etýdіń aıqyn úlgіsі.