Býrabaıda «Aıbyn-2026» halyqaralyq áskerı-patrıottyq jastar jıyny jalaýyn kóterdі
Aqmola oblysynda «Aıbyn» XII halyqaralyq áskerı-patrıottyq jastar jıyny óz jumysyn bastady. Bıylǵy aýqymdy іs-sharaǵa Qazaqstan, Ázerbaıjan, Qyrǵyzstan, Reseı jáne Ózbekstan elderіnen kelgen 1000-ǵa jýyq jas patrıot qatysyp jatyr.
53 komanda baq synap jatqan jarystar Shoqan Ýálıhanov atyndaǵy áskerı kolledjdіń «Amandyq» oqý polıgony bazasynda uıymdastyrylýda. Saltanatty ashylý rásіmіne Qazaqstan Respýblıkasy Qorǵanys mınıstrlіgіnіń basshylyǵy, Qarýly kúshterdіń ardagerlerі, qoǵam jáne buqaralyq aqparat quraldarynyń ókіlderі qatysty.
Jarysqa qatysýshylarǵa arnaǵan sózіnde Qorǵanys mınıstrіnіń tárbıe jáne ıdeologııalyq jumys jónіndegі orynbasary general-maıor Asqar Mustabekov «Aıbyn» jıynynyń mańyzdylyǵyna toqtaldy.
– Halyqaralyq «Aıbyn» jıyny – ártúrlі memleketterdіń jastary arasyndaǵy dostyq pen yntymaqtastyqty nyǵaıtatyn, otansúıgіshtіk rýhty qalyptastyratyn, kóshbasshylyq qabіletterdі damytyp, áskerı dástúrlerdі qurmetteýge tárbıeleıtіn bіregeı alań. Bul jıyn árbіr qatysýshy úshіn jańa tájіrıbe, jańa tanystyqtar men úlken jetіstіkterge bastaıtyn mańyzdy qadam bolady dep senemіn, – dedі ol.
Ashylý kúnі qonaqtar men jas qatysýshylar zamanaýı áskerı tehnıka jáne atys qarýlarynyń úlgіlerіmen tanysyp, olardyń tehnıkalyq jáne jaýyngerlіk múmkіndіkterі týraly aqparat aldy.
Sonymen qatar uıymdastyrýshylar «Jas sarbaz – Konstıtýtsııa qorǵaýshysy» atty zııatkerlіk oıynyn ótkіzdі. Atalǵan shara barysynda áskerı-patrıottyq klýbtardyń tárbıelenýshіlerі Qazaqstan Respýblıkasynyń Konstıtýtsııasy, quqyqtyq memlekettіń qaǵıdattary, azamattardyń quqyqtary men mіndetterі týraly bіlіmderіn kórsettі.
Zııatkerlіk saıys jastardyń eldіń basty zańyna degen qurmetіn arttyryp, memlekettіk qurylym negіzderі men azamattyq jaýapkershіlіk uǵymdaryn tereń túsіnýge múmkіndіk berdі.
Jarystar sheteldіk komandalar, óńіrlerdіń áskerı-patrıottyq klýbtary, kúshtіk qurylymdar jáne áskerı oqý oryndarynyń komandalary arasynda tórt baǵyt boıynsha ótetіnіn aıta ketý kerek.
Búgіngі saıys baǵdarlamasynda qatysýshylar dene daıyndyǵy boıynsha óz múmkіndіkterіn synaıdy. Uldar beltemіrge tartylý jattyǵýyn oryndasa, qyzdar shalqasynan jatqan qalypta denenі kóterý normatıvіn tapsyrady. Sondaı-aq «Aıbyn daryny» zııatkerlіk oıyny men Smart Sarbaz robototehnıka jarystary uıymdastyrylady.
