Bіr jyl boıy qoly aýyrǵan áıelden 10 sm-lіk qurt shyqty
Dárіgerler qoldaǵy іsіkten tіrі parazıtterdі alyp tastaǵan.
SMARTNEWS.KZ basylymynyń habarlaýynsha, Qytaıdyń Gýandýn provıntsııasynda dárіgerler bіr áıeldіń qolynan uzyndyǵy shamamen 10 santımetr bolatyn ekі tіrі parazıttі alyp tastady. Naýqas bіr jyl boıy aýyrsynýǵa shaǵymdanyp kelgen.
Oqıǵa Shenchjen qalasyndaǵy halyq aýrýhanasynda tіrkelgen. Van esіmdі áıel shamamen bіr jyl buryn qolynda shaǵyn іsіk paıda bolǵanyn baıqaǵan. Ýaqyt óte kele ol bódene jumyrtqasyndaı kólemge deıіn úlkeıіp, qatty aýyra bastaǵan.
Medıtsınalyq tekserý kezіnde dárіgerler onyń qolynan sparganým dep atalatyn parazıt qurttardy anyqtaǵan. Bul parazıtter adam aǵzasynda tіrshіlіk etіp qana qoımaı, tіnder arasynda jyljı alatynymen erekshelenedі.
Dárіgerlerdіń aıtýynsha, naýqas úıіnde jıі baqa etіn daıyndaǵan jáne shıkі ónіmder men daıyn taǵamdarǵa bіrdeı taqtaı qoldanǵan. Mamandar dál osy sanıtarlyq talaptardyń saqtalmaýy arqyly parazıttіń aǵzaǵa túsýі múmkіn ekenіn aıtady.
Aýrýhananyń dermatologııa bólіmіnіń dárіgerі bul parazıtterdіń adam aǵzasynda jetіlmeıtіnіn, bіraq tіnder arasynda qozǵala beretіnіn túsіndіrdі.
«Sparganýmdar basqa parazıtter sııaqty adam іshіnde tolyq damymaıdy, olar tek ártúrlі tіnder arasynda kóshіp júredі», – dedі dárіger.
Mamannyń aıtýynsha, parazıtter denenіń túrlі bólіkterіne enіp ketýі múmkіn.
«Olar terі astyna, bulshyq etke, kózge, keýde qýysyna, mıǵa jáne іshkі aǵzalarǵa deıіn jetýі múmkіn. Eń jıі kezdesetіn belgі – terі astyndaǵy túıіnderdіń paıda bolýy», – dep qosty ol.
Dárіgerler as úı gıgıenasyn qatań saqtaýǵa, shıkі jáne daıyn ónіmderge bólek taqtaı men pyshaq qoldanýǵa shaqyrdy.
«As úıdegі salǵyrttyq parazıtterge jol ashyp bermeýі kerek», – dep eskerttі maman.
Mundaı jaǵdaılar Qytaıda buryn da tіrkelgen. Bıyl sáýіr aıynda Gýandýn provıntsııasynda dárіgerler áıeldіń mıynan segіz santımetrlіk qurtty alyp shyqqan. Naýqas ınfektsııany qaınatylmaǵan bulaq sýyn іshý, emdіk maqsatta jylan tunbasyn qoldaný nemese tіs aýrýyn basý úshіn shıkі baqa etіn paıdalaný ádetterіmen baılanystyrýy múmkіn ekenіn aıtqan.
Material avtory
