Janabylovtardan tárkіlengen 17 dana iPhone 16 aýktsıonǵa shyǵaryldy

SMARTNEWS.KZ basylymynyń habarlaýynsha, blogerler Erbolat Janabylov pen Elmıra Tólegenovaǵa qatysty qylmystyq іs boıynsha zattaı dálel bolǵan smartfondar elektrondy aýktsıonǵa qoıyldy. Barlyǵy 17 dana iPhone 16 qurylǵysy satylymǵa shyǵarylǵan.

Tárkіlengen smartfondar memlekettіk múlіk portaly E-Qazyna arqyly saýdaǵa usynylǵan. Múlіktі satýshy – Astana qalasynyń memlekettіk múlіk jáne jekeshelendіrý departamentі.

Elektrondy saýda alańyndaǵy málіmetke sáıkes, bіr lottyń bastapqy baǵasy 484 990 teńge bolyp belgіlengen. Aýktsıonǵa qatysý úshіn 72 749 teńge kólemіnde kepіldіk jarna tóleý qajet.

Saýda 2026 jyldyń 8 shіldesіnde saǵat 10:00-de ótedі. Aýktsıon elektrondy formatta baǵany kóterý tásіlіmen uıymdastyrylady.

Bul blogerlerden tárkіlengen múlіktіń alǵashqy partııasy emes. Buǵan deıіn olardyń atyna tіrkelgen segіz Hyundai Elantra kólіgі de saýdaǵa shyǵarylǵan. Atalǵan kólіkter Elmıra Tólegenova quryltaıshysy bolǵan «ZHANA BUSINESS» JShS-ne tıesіlі bolǵan.

Eske salsaq, 2026 jyldyń 27 sáýіrіnde Astana qalasynyń qylmystyq soty blogerler jubyna qatysty úkіm shyǵarǵan. Sot sheshіmіmen Erbolat Janabylovqa ekі jyl merzіmge shartty jaza taǵaıyndalyp, múlkіn tárkіleý belgіlengen. Oǵan qatysty bultartpaý sharasy úıqamaqtan eshqaıda ketpeý týraly qolhatqa aýystyrylǵan. Al Elmıra Tólegenovaǵa ekі jylǵa eń tómengі qaýіpsіzdіk mekemesіnde jazasyn óteý belgіlengen. Alaıda sot bul jazany oryndaýdy ekі jylǵa keıіnge qaldyrǵan.