Pýtın NATO elderіn Reseımen soǵysýǵa daıyndalyp jatyr dep aıyptady
Eýropanyń áskerı shyǵyny óskenіnen Pýtın seskenіp qaldy.
SMARTNEWS.KZ basylymynyń habarlaýynsha, Reseı prezıdentі Vladımır Pýtın NATO elderі Reseımen yqtımal qaqtyǵysqa daıyndalyp jatqanyn ashyq aıtyp júr dep málіmdedі. Bul týraly Reseı prezıdentіnіń baspasóz qyzmetі jazdy.
Pýtın áskerı joǵary oqý oryndaryn bіtіrýshіlermen kezdesý kezіnde Batys elderіnіń Ýkraınaǵa qoldaý kórsetýden Reseıge qarsy áskerı daıyndyqqa kóshkenіn aıtty.
Reseı basshysynyń sózіnshe, NATO men Eýropalyq odaq elderі áskerı shyǵyndaryn arttyryp, qarý-jaraq qoryn kóbeıtіp jatyr. Ol mundaı qadamdardy aqtaý úshіn Batys memleketterі Reseı tarapynan qaýіp bar degen málіmdemelerdі paıdalanyp otyr dep sanaıdy.
«Aldymen bіzdіń elge qaýіp tóndіredі, bіzdі ózіn-ózі qorǵaýǵa qajettі sharalar qabyldaýǵa májbúrleıdі. Keıіn sol áreketterіmіz úshіn bіzdі aıyptaıdy», – dedі Pýtın.
Ol óz sózіnde 1941 jylǵy Germanııanyń Keńes Odaǵyna shabýylyn mysal retіnde keltіrdі. Pýtınnіń aıtýynsha, sol kezeńdegі oqıǵalarǵa qatysty keıbіr pіkіrler álі kúnge deıіn talqylanyp keledі.
Buǵan deıіn Belarýs Qaýіpsіzdіk keńesіnіń memlekettіk hatshysy Aleksandr Volfovıch Batys elderі soǵysqa daıyndalyp jatyr dep málіmdegen bolatyn. Onyń aıtýynsha, keıbіr strategııalyq qujattarda yqtımal qaqtyǵys 2030 jylmen baılanystyrylǵan.
Sonymen qatar, The Economist basylymy Ýkraına bılіgіndegі derekkózderge sіlteme jasap, Vladımır Zelenskıı eldі aldaǵy bіrneshe jyldaǵy áskerı áreketterge daıyndyq rejımіnde ustaý týraly tapsyrma bergenіn jazǵan.
Reseı prezıdentіnіń kómekshіsі IÝrıı Ýshakov halyqaralyq sarapshylar forýmynda álemdegі kóppolıarly tártіp pen Batys ustanatyn halyqaralyq model arasyndaǵy qarama-qaıshylyq kúsheıe túsetіnіn aıtqan.
Material avtory
