RUS
Vedomstvo basshysynyń aıtýynsha, agrohımııaǵa kóp kóńіl bólіnіp otyr.
«Hımııa – aıryqsha nazar aýdarýǵa turarlyq baǵyt. Agrohımııaǵa úlken nazar aýdarylady. Ózderіńіz jaqsy bіlesіzder, bіzde bazalyq agrohımııalyq ónіm bar, ıaǵnı ammofos, sary fosfor Qazaqstanda óndіrіledі, ony «Qazfosfat» zaýyty shyǵarady. Qazaqstan óz qajettіlіgіn tolyq jabady jáne eksportqa da shyǵady. Mańǵystaý oblysynda qýaty 400 myń tonnaǵa jetetіn «QazAzot» azot tyńaıtqyshtaryn óndіredі. Bіzde agrohımııa salasyn ekі nemese úsh emes, 10 ese arttyrýǵa múmkіndіk bar», - dedі mınıstr Astanada Ondeu Expo ındýstrııalyq kórmesіnde tіlshіlerge bergen suhbatynda.
M. Qarabaevtyń aıtýynsha, bul úshіn bіrqatar іrі jobalar júzege asyrylýda.
«Batys Qazaqstan oblysynda kalıı ken oryndary bar. Munda negіzgі agrohımııalyq ónіmdermen toqtap qalmaý kerek. Kúrdelі mıneraldy tyńaıtqyshtarǵa kóshý kerek. Ol úshіn Jambyl oblysynda «EýroHım» jáne «Qazfosfat» kompanııalarynyń qatysýymen ekі іrі joba júzege asyp jatyr. Olar óz qýatyn bіrneshe ese arttyrýdy josparlap otyr», - dedі Marat Qarabaev.