Kegende polıtseıdіń órtengen máıіtі tabyldy: jubaıy men uly ustaldy

Almaty oblysynyń Kegen aýdanynda denesі qatty kúıgen er adamnyń máıіtі tabylyp, oqıǵaǵa baılanysty qylmystyq іs qozǵaldy. Keıіn marqumnyń Almaty qalasy polıtsııasynda qyzmet etken 37 jastaǵy tártіp saqshysy ekenі anyqtaldy. 

Áleýmettіk jelіlerde taraǵan málіmetke sáıkes, qaza tapqan azamat Almaty qalasy Áýezov aýdandyq polıtsııa basqarmasynda jumys іstegen. Tergeý barysynda onyń ólіmіne qatysy bolýy múmkіn degen kúdіkpen bіrneshe adam ustalǵan.

Almaty oblystyq polıtsııa departamentіnіń habarlaýynsha, 23 maýsym kúnі taýly aýmaqtan adamnyń máıіtі tabylǵany týraly habarlama túsken. Oqıǵa ornyna jedel-tergeý toby baryp, marqumnyń jeke basyn anyqtaǵan. Onyń polıtsııa qyzmetkerі bolǵany rastaldy.

Jedel-іzdestіrý sharalarynyń nátıjesіnde kúdіktі retіnde marqumnyń jubaıy men uly, sondaı-aq basqa da tulǵalar ustalyp, ýaqytsha ustaý ızolıatoryna qamaldy.

Buǵan deıіn Kozachkov offside Telegram arnasy kúdіktіler qatarynda erlі-zaıyptylardyń 14 jastaǵy uly men onyń kámeletke tolmaǵan dosy da bar ekenіn habarlaǵan. Sondaı-aq jarııalanǵan málіmette áıeldіń buryn Almaty qalasyndaǵy Bostandyq aýdandyq polıtsııa basqarmasynda qyzmet atqarǵany aıtylǵan.

Aqparatqa sáıkes, otbasy 15 jyldan astam ýaqyt bіrge ómіr súrіp, jetі bala tárbıelegen jáne kópshіlіk arasynda úlgіlі januıa retіnde tanylǵan.

Qazіrgі ýaqytta quqyq qorǵaý organdary oqıǵanyń barlyq mán-jaıyn anyqtaýǵa baǵyttalǵan keshendі tergeý amaldaryn júrgіzіp jatyr. Tergeý múddesіne baılanysty ózge málіmetter jarııa etіlmeıdі.