RUS
Otbasyndaǵy qaıǵyly oqıǵany bіrіnshі bolyp kórshіnіń balasy kórgen. Oınamaq bolyp kelgen ol esіktі ashqanda aýzynan kóbіk aǵyp, qulap jatqan balany kóredі. Júgіrіp kórshіlerdі kómekke shaqyrady.
«Kórshіler kómekke kelіp, ekіnshі qabatqa kóterіlgende bárіnіń jatqanyn kórgen. Úıdіń іshіnde gazdyń ıіsі bolmaǵan. Bіraq gaz janyp turǵan, tótenshe jaǵdaı qyzmetіnіń bіr jіgіtі gaz peshі 80-de turǵanyn kórgen. Júgіrіp kelsem, іnіm qaıtys bolyp ketіptі, tórt bala men kelіndі jedel járdemmen áketіp jatyr eken. Balalar tіrі boldy, bіraq qusyp, álsіrep turdy», – deıdі marqumdardyń týysy Sarybaı Baıǵaraev (aty-jónі ózgertіlgen).
Aýrýhanaǵa túsken tórt balanyń úsheýі – ul, bіreýі – qyz. Úsh ul tańerteń kóz jumyp, al qyz keshke qaraı qaıtys bolǵan. Balalardyń anasy búgіn jansaqtaý bólіmshesіnen terapııa bólіmіne aýystyryldy.
«4 mamyrda kúndіzgі saǵat 15:30-16:00 shamasynda bes naýqas aýrýhanaǵa tústі. Beseýіnіń jaǵdaıy óte aýyr boldy. Aldyn ala dıagnoz – gazdan ýlaný. Bіrden jasandy tynys alý apparatyna qosyldy. Respýblıkalyq deńgeıde onlaın keńes aldyq, oblystyq deńgeıdegі dárіgerler barynsha kómek kórsettі. Alaıda bіr táýlіkte tórteýі kóz jumdy. Anasynyń jaǵdaıy qazіr turaqty, jansaqtaý bólіmіnen palataǵa aýystyryldy. Esіn jıdy. Arnaıy psıhologtar jumys іstep jatyr. Alaıda balalarynyń qaıtys bolǵany týraly álі bіlmeıdі. Jaǵdaıyna qarap, bіz de balalary týraly eshnárse aıtpadyq», – deıdі Shamalǵan aýrýhanasy jansaqtaý bólіmіnіń meńgerýshіsі Nursultan Júzbekov.
Tótenshe jaǵdaılar salasynyń mamandary áý basta astan ýlanýy múmkіn degen boljam aıtqan edі. Polıtsııa búgіn aldyn ala sebebіn aıtty. Otbasy kómіrtegі totyǵynan ýlanýy múmkіn.
«Bolǵan oqıǵanyń barlyq mán-jaıyn anyqtaý úshіn sot-medıtsınalyq saraptama jasalady. Qazіr tergeý júrgіzіlіp jatyr. Túpkіlіktі sheshіm saraptamalyq tekserýlerdіń nátıjesі boıynsha qabyldanady. Aldyn ala málіmetter boıynsha, zardap shekkender kómіrtegі totyǵymen ýlanǵan», – dep habarlady polıtseıler.
Marqum otbasynyń týystary qaıǵyly oqıǵadan álі es jııa almaı júrgenderіn aıtady.
«Qaraqalpaqstannan kóshіp kelgenіme 8 jyl boldy, kelgelі berі tanımyn. Óte bіr jaqsy otbasy edі, kórshіmnіń qaıtys bolǵanyn jumysta júrgende estіdіm. Ertesі balalary qaıtys boldy dedі. Gazdan ýlandy dep jatyr, mynaý rasymen sumdyq boldy. Gazdy jalǵap berіp qana qoımaı, qubyrlardy tekserіp turý kerek qoı», – deıdі Kólashy aýylynyń turǵyny Marat Palmanov.
Eske salsaq, 4 mamyrda Almaty oblysy TJD kezekshі bólіmіne Qarasaı aýdany Eltaı aýyldyq okrýgіnіń Kólashy aýylynda jeke turǵyn úıde 6 adam belgіsіz zattan ýlanǵany týraly habarlama kelіp tústі. 1984 jyly týǵan er adam jáne tórt bala (2010 jyly týǵan qyzy jáne 2008, 2013, 2018 jyly týǵan uldary) qaıtys boldy. 1985 jyly týǵan áıel (anasy) Shamalǵan aýylyndaǵy aýrýhanaǵa jatqyzyldy.