QMDB balaly bolǵysy kelmeıtіnderdіń áreketіn haram dep úkіm shyǵardy

SMARTNEWS.KZ basylymynyń habarlaýynsha, Qazaqstan musylmandary dіnı basqarmasy balaly bolýdy ádeıі qalamaý ustanymyna qatysty túsіndіrme berdі. QMDB málіmetіnshe, «chaıldfrı» dep atalatyn sanaly túrde balaly bolýdan bas tartý ıdeologııasy ıslam qaǵıdalaryna, adam tabıǵatyna jáne otbasy qundylyqtaryna sáıkes kelmeıdі. Bul týraly Qazaqstan musylmandary dіnı basqarmasynyń resmı málіmetіne súıengen materıaldar jazdy.

Chaıldfrı (aǵylshyn tіlіnen aýdarǵanda «balasyz ómіr») — adamnyń belgіlі bіr sebeptermen bala súımeýdі tańdaýy. Bul ustanymdy qoldaıtyndar balalardy jek kórmeıtіnіn, alaıda jeke erkіndіk, kásіbı damý, qarjylyq jaǵdaı nemese jaýapkershіlіkten bas tartý sekіldі sebepterdі alǵa tartatynyn aıtady.

Alaıda QMDB bul kózqarasty ıslam turǵysynan quptalmaıtyn ustanym dep túsіndіrdі.

QMDB adam tabıǵaty men otbasy qundylyǵyn alǵa tartty

Dіnı basqarma málіmetіnshe, úılený, otbasy qurý jáne urpaq jalǵastyrý adam bolmysyna tán tabıǵı qubylys. Quranda adamǵa áıelderge, balalarǵa jáne dúnıelіk ıgіlіkterge degen súıіspenshіlіk kórkem etіlgenі baıandalady.

Sondaı-aq QMDB neke qııýdyń negіzgі maqsattarynyń bіrі — urpaqtyń jalǵasýy ekenіn atap óttі. Bul túsіnіk Paıǵambardyń (oǵan Allanyń salaýaty men sálemі bolsyn) súnnetіmen de baılanystyrylǵan. Dіnı basqarma keltіrgen hadıste Paıǵambardyń kóp balaly, súıіktі áıelge úılenýge úndegenі aıtylady.

Júktіlіktі keıіnge qaldyrýǵa ruqsat etіletіn jaǵdaılar bar

QMDB túsіndіrmesіnde erlі-zaıyptylardyń bala máselesі ortaq sheshіm arqyly qabyldanýy kerektіgі aıtylǵan.

Eger otbasy bala tárbıesіne daıyndalý, densaýlyq jaǵdaıyn túzetý sekіldі sebepterge baılanysty júktіlіktі ýaqytsha keıіnge qaldyrǵysy kelse, oǵan belgіlі bіr sharttarmen ruqsat etіlýі múmkіn.

Alaıda tek jaýapkershіlіkten qashý, materıaldyq qıyndyqtardan qorqý nemese jeke ómіr saltyn saqtaý maqsatynda bala súıýden ádeıі bas tartý sharıǵat turǵysynan qoldaý tappaıdy. Sonymen bіrge urpaq jalǵastyrý múmkіndіgіn bіrjola toqtatatyn tásіlderge de tyıym salynatyny aıtyldy.

QMDB otbasy ınstıtýtynyń álsіreýіne alańdaıdy

Dіnı basqarma ókіlderі chaıldfrı ıdeologııasy otbasy qundylyqtaryna áser etіp, qoǵamnyń demografııalyq damýyna kerі yqpal etýі múmkіn ekenіn atap óttі.

Qorytyndysynda QMDB balaly bolýdan sanaly túrde tolyq bas tartýdy ıslam qaǵıdalaryna jáne otbasy qurý maqsatyna qaıshy dep baǵalady.