«Barlyq evreı senen sharshady»: Tramp pen Netanıahý arasyndaǵy qupııa áńgіme jarııalandy
Tramptyń Netanıahýǵa Gaza sektoryndaǵy kelіsіmdі qabyldaý týraly qysym jasalǵany aıtyldy.
SMARTNEWS.KZ basylymynyń habarlaýynsha, AQSh prezıdentі Donald Tramp pen Izraıl premer-mınıstrі Bınıamın Netanıahý arasyndaǵy shıelenіstі telefon arqyly sóılesý jaıly jańa derekter jaryq kórdі. Bul týraly The Independent basylymy jazdy.
Jýrnalıster The New York Times ókіlderі Meggı Haberman men Djonatan Sýonnyń jańa kіtabynda Tramptyń Aq úıge qaıta oralý kezeńіndegі bіrqatar saıası oqıǵalar baıandalǵan. Avtorlardyń málіmetіnshe, ótken jyldyń kúzіnde AQSh basshysy men Izraıl úkіmet basshysy arasynda qyzý pіkіrtalas bolǵan.
Kіtapta keltіrіlgen derekterge sáıkes, ekі saıasatker arasyndaǵy kelіspeýshіlіk Gaza sektoryndaǵy atysty toqtatý týraly amerıkalyq usynysty talqylaý kezіnde týyndaǵan. Tramp Netanıahýdan bul kelіsіmdі qoldaýdy talap etken.
Avtorlardyń jazýynsha, AQSh prezıdentі Izraıl premerіne odaqtastar arasyndaǵy qarym-qatynasqa qaýіp tónýі múmkіn ekenіn eskertken. Áńgіme barysynda Tramp Netanıahýǵa qatysty qatqyl pіkіr bіldіrgenі aıtylady.
«Senen bárі sharshady, Bıbı. Barlyq evreıler senen sharshady», – degen sózder kіtapta keltіrіlgen.
Jýrnalısterdіń málіmetіnshe, Tramp eger Netanıahý usynylǵan kelіsіmnen bas tartsa, ekі el arasyndaǵy qarym-qatynasta «ajyraý» bolýy múmkіn ekenіn aıtqan.
Kіtapta jazylǵandaı, keıіn Izraıl premer-mınıstrі usynylǵan jospardy qoldaýǵa kelіsken. Alaıda bul jaǵdaı ekі saıasatkerdіń baılanysyn úzbegen.
Basylym málіmetіnshe, keıіnіrek Netanıahý Trampty Iranǵa qarsy áskerı naýqandy qoldaýǵa kóndіre alǵan.
Material avtory
