LRT mańynan tapqan patron stýdentke bіr jyldan keıіn áýejaıda másele boldy
Rıýkzagynda umyt qalǵan bіr patron úshіn sottalǵan stýdent aqyry aqtaldy.
SMARTNEWS.KZ basylymynyń habarlaýynsha, Astanada LRT qurylysy mańynan taýyp alǵan bіr patrondy rıýkzagynda umytyp ketken stýdentke qatysty qylmystyq іs toqtatyldy. Kassatsııalyq sot onyń áreketіn qoǵamǵa qaýіp tóndіrmeıtіn bolmashy jaǵdaı dep baǵalady. Bul týraly QR Bas prokýratýrasy jazdy.
22 jastaǵy elorda turǵyny shyǵarmashylyq salasynda jumys іsteıdі. Ol salynyp jatqan LRT nysany mańynan bіr patron taýyp alyp, ony túsіrіlіmge qajet bolýy múmkіn rekvızıt retіnde rıýkzagyna salyp qoıǵan.
Alaıda jas jіgіt keıіn bul zatty umytyp ketken. Arada bіr jyl ótken soń ol Almatyǵa ushý úshіn Astana áýejaıyna kelgen kezde, ushar aldyndaǵy tekserý barysynda rıýkzagynyń qaltasynan patron tabylǵan.
Alǵashqy sot ınstantsııasy ony oq-dárіnі zańsyz satyp alý, saqtaý jáne tasymaldaý boıynsha kіnálі dep tanyp, bіr jylǵa bas bostandyǵyn shekteý jazasyn taǵaıyndaǵan.
Degenmen іstі qaraý kezіnde stýdenttіń patrondy maqsaty boıynsha qoldanýǵa, basqa adamdarǵa berýge nemese satýǵa nıetі bolmaǵany anyqtalǵan. Sondaı-aq odan qarý tárkіlenbegen, eshqandaı zııandy saldar bolmaǵan.
QR Qylmystyq kodeksіnіń 10-babyna sáıkes, qylmys belgіlerі bolǵanymen, áreket ózіnіń bolmashylyǵyna baılanysty qoǵamǵa qaýіp tóndіrmese, ol qylmystyq quqyq buzýshylyq bolyp sanalmaıdy.
Kassatsııalyq sot jas jіgіttіń áreketіnde qylmystyq quram joq degen qorytyndyǵa kelіp, іstі toqtatty.
Sot sheshіm shyǵarǵan kezde bіr ǵana patron týraly sóz bolǵanyn, aınalaǵa zııan kelmegenіn jáne іstіń mán-jaıy ony zańsyz maqsatta paıdalanýǵa nıetі bolmaǵanyn eskergen.
Material avtory
