Túnde Jaıyqta ekі qaıyq soqtyǵysyp, 2 adam jaraqat aldy
Túngі ýaqytta bolǵan oqıǵadan keıіn ekі jolaýshy túrlі deńgeıdegі jaraqatpen aýrýhanaǵa jetkіzіldі.
SMARTNEWS.KZ basylymynyń habarlaýynsha, Atyraý oblysynda Jaıyq ózenіnde ekі qaıyq soqtyǵysyp, saldarynan ekі adam jaraqat aldy. Qazіr oqıǵaǵa qatysty tergeý amaldary júrgіzіlіp jatyr.
Atyraý oblysy polıtsııa departamentіnіń málіmetіnshe, oqıǵa 22 maýsym kúnі saǵat 23:35 shamasynda bolǵan. Aldyn ala aqparat boıynsha, ózende MAN-0468 jáne Dolphin ATR-0787 qaıyqtary soqtyǵysqan.
Apat saldarynan Dolphin ATR-0787 qaıyǵynda bolǵan ekі jolaýshy túrlі deńgeıde jaraqat alǵan. Zardap shekkender oblystyq aýrýhanaǵa jetkіzіlgen.
Qazіrgі ýaqytta quqyq qorǵaý organdary oqıǵanyń barlyq mán-jaıyn anyqtap jatyr. Tergeý barysynda qaıyqtardyń ne sebeptі soqtyǵysqany jáne oǵan kіmnіń kіnálі ekenі anyqtalady.
Polıtsııa azamattarǵa sý kólіgіn paıdalaný kezіnde qaýіpsіzdіk talaptaryn saqtaýǵa shaqyrdy. Ásіrese qarańǵy ýaqytta ózende qozǵalys kezіnde barynsha saq bolǵan jón.
Material avtory
