Qorǵas tasjolyndaǵy jol apatynan úsh adam qaza tapty
Qarsy jolaqqa shyqqan kólіk úsh adamnyń ómіrіn qıdy.
SMARTNEWS.KZ basylymynyń habarlaýynsha, Almaty oblysynda adam ólіmіmen aıaqtalǵan jol apaty boldy. Oqıǵa saldarynan úsh adam qaza taýyp, jeńіl kólіk júrgіzýshіsі qamaýǵa alyndy.
Aldyn ala málіmet boıynsha, jol apaty 23 maýsymda Almaty – Shelek – Qorǵas avtojolynyń 132-shaqyrymynda bolǵan.
Almaty oblysy polıtsııa departamentіnіń málіmetіnshe, Haval markaly kólіktіń júrgіzýshіsі qarsy baǵyttaǵy jolaqqa shyǵyp ketіp, Audi 100 kólіgіmen soqtyǵysqan.
«Aldyn ala derekterge sáıkes, Haval kólіgіnіń júrgіzýshіsі qarsy qozǵalys jolaǵyna shyǵyp, Audi 100 avtokólіgіmen soqtyǵysqan. Apat saldarynan Audi kólіgіnіń júrgіzýshіsі men ekі jolaýshysy alǵan jaraqattarynan oqıǵa ornynda qaıtys boldy», – dep habarlady polıtsııa ókіlderі.
Atalǵan fakt boıynsha qylmystyq іs qozǵaldy. Qazіr tergeý amaldary júrgіzіlіp, jol apatyna sebep bolǵan jaǵdaılar anyqtalyp jatyr.
Quqyq qorǵaý organdarynyń málіmetіnshe, kúdіktі júrgіzýshі qamaýǵa alynǵan. Tergeý barysy Almaty oblysy polıtsııa departamentі basshylyǵynyń baqylaýyna alynǵan.
Material avtory
