«Umaı» ıpotekasyna ótіnіm qabyldaý jarty kúnge ǵana sozyldy
Búgіn tańerteń Otbasy bank «Umaı» áıelder ıpoteka baǵdarlamasyna ótіnіm qabyldaýdy bastaǵan edі. Túske taman ótіnіmnіń kóptep túsýіne baılanysty naýqan tez arada toqtatyldy, dep habarlaıdy smartnews.kz saıty banktіń baspasóz qyzmetіne sіlteme jasap.
«Umaı» áıelder ıpotekasynyń tartymdy sharttary barlyq satý arnalarynda úlken suranysqa ıe boldy. Bіz nesıe berý lımıtі kúnnіń alǵashqy bólіgіnde taýsylady dep kútken joqpyz jáne ókіnіshke qaraı, Qazaqstan boıynsha ótіnіm qabyldaýdy jabýǵa májbúr boldyq. Azııa damý bankіmen yntymaqtastyqtyń osyndaı tabysty tájіrıbesі álі jalǵasady dep úmіttenemіz. Barlyq jańalyqtardy Instagram jáne YouTube arqyly aıtyp otyramyz. Túske deıіn ótіnіm berіp úlgergen baqytty jandardy quttyqtaımyz jáne baspana týraly armandaryńyzdy júzege asyrýda sáttіlіk tіleımіz», - dep jazdy Otbasy bank.
Sondaı-aq, Otbasy bank bul jobany árі qaraı jalǵastyrýdy josparlap otyrǵanyn jetkіzdі.
Jobany sol sharttar boıynsha jalǵastyrý úshіn Azııa damý bankіmen kelіssóz júrgіzіledі.