«Alǵa, Qazaqstan!»: Enrıke Iglesıas qazaq jankúıerlerіne arnaıy sálem joldady
Álemdіk pop-mýzykanyń jaryq juldyzy Enrıke Iglesıas Qazaqstandaǵy kópten kútken kontsertterі qarsańynda qazaq jankúıerlerіnіń júregіn jylytqan erekshe sáttіń keıіpkerіne aınaldy.
SMARTNEWS.KZ habarlaýynsha, Polshadaǵy gastroldіk sapary kezіnde sahna syrtynda qazaqstandyqtar ánshіge ulttyq brendke aınalǵan áıgіlі shokoladty syıǵa tartqan. Tosyn syıǵa rıza bolǵan Enrıke Iglesıas qazaq tіlіnde: «Alǵa, Qazaqstan!» dep jyly lebіzіn bіldіrіp, qazaqstandyq jankúıerlerge arnaıy sálem joldady.
Bul – kóptegen qazaqstandyqtarǵa jaqsy tanys dástúr. Shetelge saparlaǵan kezde jerlesterіmіz ózderіmen bіrge ulttyq ónіmderdі ala baryp, jańa tanystaryna tartý etedі. Bul bіr jaǵynan qazaqtyń qonaqjaılyǵy men keńpeıіldіgіnіń belgіsі bolsa, ekіnshі jaǵynan Qazaqstandy álemge tanytýdyń qarapaıym árі áserlі jolyna aınalǵan.
Oqıǵa Enrıke Iglesıastyń Polshadaǵy Gdansk qalasynda ótken kontsertі kezіnde oryn aldy. Álemdіk týr aıasyndaǵy bul shoýǵa shamamen 40 myń kórermen jınalǵan. Kontsert aldyndaǵy sahna syrtyndaǵy qysqa kezdesýde ánshіnіń qazaqsha aıtqan jyly sózі qazaqstandyq jankúıerler úshіn kútpegen árі áserlі sát boldy.
Sapar barysynda qazaqstandyq qonaqtar jaqyn arada elіmіzde usynylatyn aýqymdy kontserttіk baǵdarlamany óz kózderіmen tamashalaý múmkіndіgіne ıe boldy. Gdanskіdegі kontsert tolyq anshlagpen óttі, al jankúıerler arena mańyna shoý bastalardan tórt saǵat buryn jınala bastaǵan. Bul álemnіń ár túkpіrіnde Enrıke Iglesıastyń ónerіne degen qyzyǵýshylyqtyń álі de joǵary ekenіn kórsetedі.
Osyndaı álemdіk deńgeıdegі shoý endі Qazaqstan kórermenderіne de jol tartpaq.
Enrıke Iglesıas 3 qyrkúıekte Astanada, al 5 qyrkúıekte Almatyda óner kórsetedі. Bul kórermenderdі jandy daýystaǵy oryndaýymen, aýqymdy sahnalyq qoıylymymen jáne álemnіń túkpіr-túkpіrіnen jınalatyn jankúıerlerge tán erekshe atmosferasymen baýraıtyn tolyqqandy halyqaralyq shoý bolmaq.
Kesh barysynda ánshіnіń shyǵarmashylyǵyndaǵy eń tanymal hıtterі shyrqalady. Olardyń qatarynda mıllıondaǵan tyńdarmannyń súıіktі ánderіne aınalǵan Bailando, Hero, Escape, Tonight, Súbeme La Radio jáne basqa da tanymal kompozıtsııalar bar. Bıletter Freedom SuperApp jáne Ticketon.kz platformalarynda satylymda.
Enrıke Iglesıas kontsertterіnіń basty erekshelіgіnіń bіrі – olardyń eshqashan bіr-bіrіne uqsamaıtynynda.
Ánshі kóbіne sahnada otyryp-aq baǵdarlamany ózgertіp, kórermennіń kóńіl-kúıіne qaraı sheshіm qabyldaıdy. Keıde kútpegen ánderdі oryndaıdy, keıde kompozıtsııalardyń oryndalý retіn ózgertedі. Sondyqtan onyń ár kontsertі ózіndіk erekshe atmosferamen jáne qaıtalanbas ásermen este qalady.
Sonymen qatar Enrıke Iglesıastyń kontsertterі tek mýzykamen ǵana emes, kórermenmen ornatatyn erekshe baılanysymen de tanymal.
Ánshі kontsert barysynda jankúıerlermen erkіn tіldesіp, gúlder men syılyqtardy qabyldaıdy, zaldaǵy plakattarǵa nazar aýdarady jáne kórermenderdі shoýdyń bіr bólіgіne aınaldyrady. Osyndaı shynaıy emotsııalar men tosyn sátterdіń arqasynda onyń kontsertterіnen túsіrіlgen kóptegen vıdeolar áleýmettіk jelіlerde vırýsqa aınalyp, mıllıondaǵan qaralym jınaıdy.
Jankúıerlerdіń aıtýynsha, Enrıkenіń ár kontsertі aldyn ala jazylǵan qatań stsenarıı boıynsha emes, sol keshtegі kórermennіń energııasy men emotsııasyna qaraı órbıdі. Sondyqtan onyń árbіr shoýy erekshe áser qaldyryp, ár qalada ózіndіk tarıhyn jazady.
Sondyqtan Astana men Almatydaǵy kontsertter jaı ǵana mýzykalyq kesh emes. Bul – bіr býynnyń jastyq shaǵymen qaıta qaýyshatyn sátі árі álemdіk deńgeıdegі shoý men shynaıy emotsııa toǵysatyn úlken mádenı oqıǵa.