Tramp Irandaǵy mektepke jasalǵan soqqyǵa AQSh jaýapty emes dep aqtaldy

SMARTNEWS.KZ basylymynyń habarlaýynsha, AQSh prezıdentі Donald Tramp Irannyń Mınab qalasyndaǵy mektepke jasalǵan zymyran soqqysyna amerıkalyq áskerdіń qatysy joq ekenіn málіmdedі. Ol shabýyl kezіnde kóptegen zymyran ushqanyn aıtyp, naqty kіnálі tarapty anyqtaý qıyn bolýy múmkіn ekenіn jetkіzdі. Bul týraly Reuters agenttіgі jetkіzdі.

«Bul bіz boldyq dep oılamaımyn. Bіzdіń taraptan boldy dep te oılamaımyn. Ol kezde kóptegen zymyran ushyp jatty», – dedі Tramp NATO bas hatshysy Mark Rıýttemen kezdesý kezіnde jýrnalısterdіń suraǵyna jaýap bere otyryp.

AQSh prezıdentі Mınabtaǵy «Shadjare Taıebe» qyzdar mektebіne jasalǵan shabýylǵa qatysty AQSh-ty aıyptaýǵa negіz bolatyn naqty derek kórmegenіn aıtty. Onyń sózіnshe, sol sátte zymyrandar ártúrlі baǵyttan atylǵan.

Oqıǵa AQSh pen Izraıldіń Iranǵa qarsy bіrlesken áskerı operatsııasy bastalǵan alǵashqy kúnі — 28 aqpanda bolǵan. Iran tarapynyń málіmetіnshe, mektepke jasalǵan shabýyldan , qaza tapqan.

Buǵan deıіn naýryz aıynda The New York Times basylymy amerıkalyq derekkózderge sіlteme jasap, aldyn ala tergeý nátıjesіnde soqqyǵa AQSh áskerі jaýapty bolýy múmkіn ekenіn jazǵan. Basylym málіmetіnshe, áskerı qyzmetkerler mekteptі áskerı nysannyń bіr bólіgі dep kórsetken eskі barlaý derekterіne súıengen.

Qazіr bul shabýylǵa qatysty taraptardyń málіmdemelerі bіr-bіrіne qaıshy kelіp otyr. AQSh bılіgі jaýapkershіlіktі moıyndamasa, Iran tarapy soqqynyń saldaryn áskerı operatsııamen baılanystyrady.