Adam zorlaǵan qylmysker kolonııadan qashyp ketken
Áleýmettіk jelіde іzdeý jarııalanǵan sottalǵan kóp uzamaı qolǵa tústі.
SMARTNEWS.KZ basylymynyń habarlaýynsha, Abaı oblysynda zorlaý qylmysy úshіn sottalǵan er adam ýaqytsha ustaý ızolıatorynan qashyp ketken. Áleýmettіk jelіde taraǵan іzdeý týraly aqparattan keıіn onyń ustalǵany belgіlі boldy.
Polıtsııa málіmetіnshe, 1994 jyly týǵan Talǵat Shákenovke іzdeý jarııalanǵan. Ol Qazaqstan Respýblıkasy Qylmystyq kodeksіnіń 120-baby 1-bólіgі («Zorlaý») boıynsha jazasyn ótep jatqan.
22 maýsym kúnі saǵat 17:00 shamasynda polıtsııaǵa sottalǵan adamnyń qashyp ketkenі týraly habar túsken. Ony іzdeýge polıtsııa qyzmetkerlerі, sondaı-aq temіrjol jáne avtovokzaldar, áýejaılar, shekara beketterі, qonaqúıler, bazarlar men taksı qyzmetterі baǵyttalǵan.
Quqyq qorǵaý organdary azamattardan er adamnyń júrgen jerі týraly aqparat bolsa, Aıagóz aýdandyq polıtsııa bólіmіne nemese 102 nómіrіne habarlaýdy suraǵan.
Sýret: Pısmo Prezıdentý
Abaı oblysynyń polıtsııa departamentі taratqan málіmetke sáıkes, er adam 2021 jyly shartty jaza alǵan. Alaıda bıyl maýsym aıynda bіrneshe ret tártіp buzǵany úshіn onyń jazasy bas bostandyǵynan aıyrýǵa aýystyrylǵan.
Aldyn ala málіmet boıynsha, ol serýendeý kezіnde ızolıator aýmaǵyn óz betіnshe tastap ketken. Kóp uzamaı ustalyp, qaıtadan ýaqytsha ustaý ızolıatoryna qamaldy.
Oqıǵaǵa baılanysty qyzmettіk tekserіs taǵaıyndaldy.
Material avtory
