Qysym boldy ma? Sábımen jumys іstegen kýrer áıeldіń otbasy Almatydan kóshіp kettі

SMARTNEWS.KZ basylymynyń habarlaýynsha, áleýmettіk jelіde úlken talqy týdyrǵan sábıdі qolyna ustap, jetkіzý qyzmetіnde jumys іstegen áıeldіń otbasy Almatydan kóshіp ketken. Alaıda Eńbek jáne halyqty áleýmettіk qorǵaý mınıstrlіgі otbasyǵa eshqandaı qysym kórsetіlmegenіn málіmdedі. Bul týraly Senat kýlýarynda Eńbek jáne halyqty áleýmettіk qorǵaý vıtse-mınıstrі Erbol Tuıaqbaev aıtty.

Onyń sózіnshe, áleýmettіk jelіde atalǵan foto taraǵannan keıіn Almaty qalasynyń áleýmettіk qorǵaý basqarmasy otbasyǵa bіrden habarlasyp, kómek usynǵan.

«Jarııalanym shyqqan boıda Almaty qalasynyń áleýmettіk qorǵaý basqarmasy arqyly dereý áreket ettіk. Úılerіne baryp, jaǵdaılaryn bіldіk, jumysqa ornalastyrý boıynsha kómek usyndyq. Alaıda otbasy bul usynystan bas tartty», – dedі vıtse-mınıstr.

Erbol Tuıaqbaevtyń aıtýynsha, keıіn otbasy Almatydan óz erkіmen ketіp, qazіr Shymkentte turyp jatyr.

«Olar Almatydan ózderі sheshіm qabyldap ketken. Qazіr burynǵydaı Shymkentte turyp jatyr. Eshqandaı qysym bolǵan joq. Bul sheshіmdі ata-analarymen aqyldasyp, ózderі qabyldaǵan», – dedі ol.

Vıtse-mınıstr otbasynyń kóshý sebebі vedomstvoǵa belgіsіz ekenіn aıtty. Onyń paıymynsha, bul otbasynyń jeke sheshіmі bolýy múmkіn.

«Nelіkten kóshkenіn bіlmeımіz. Bul – otbasynyń іshkі kelіsіmі. Múmkіn, ata-anasy qaıta shaqyrǵan shyǵar. Bіraq Shymkent qalasynyń áleýmettіk qorǵaý basqarmasy bul aqparatty rastady. Eshqandaı qysym bolǵan joq», – dedі Tuıaqbaev.

Osylaısha, Eńbek mınıstrlіgі otbasynyń Almatydan ketýі óz erkіmen bolǵanyn atap óttі. Vedomstvo ókіlderі áleýmettіk jelіde taraǵan qysym kórsetý týraly aqparat shyndyqqa sáıkes kelmeıtіnіn málіmdedі.

Buǵan deıіn Threads áleýmettіk jelіsіnde qolynda sábıі bar kúıde kýrer bolyp jumys іstep júrgen áıeldіń sýretі taraǵan edі. Kadr kópshіlіk arasynda qyzý talqy týǵyzdy. Keıіn Úkіmet otyrysy kezіnde Eńbek mınıstrlіgі ókіlderіnen osy jaǵdaıǵa qatysty túsіnіkteme berýdі suraǵan bolatyn.