Qazaqsha sóılep tanylǵan blogerdіń ústіnen aryz tústі (VIDEO)
Blogerdіń aıtýynsha, aryz onyń tіl máselesіne qatysty jarııalaǵan vıdeosynan keıіn túsken.
SMARTNEWS.KZ basylymynyń habarlaýynsha, qazaqstandyq bloger Alekseı Lodochnıkov Instagram jelіsіnde jarııalaǵan vıdeosyna baılanysty ózіne polıtsııaǵa aryz jazylǵanyn habarlady.
Blogerdіń aıtýynsha, oǵan kómekshіsі habarlasyp, Semeı qalasynyń polıtsııa ınspektory aryz túskenі týraly eskertken. Qajettі qujattardy alǵannan keıіn Lodochnıkov aryzdyń mazmunymen tanysqan.
Onyń sózіnshe, aryzdy Semeı qalasynyń turǵyny Lıýdmıla esіmdі áıel jazǵan. Blogerdіń aıtýynsha, shaǵymǵa onyń áıel satýshydan ózіmen orys tіlіnde sóılesýdі talap etken jaǵdaıǵa arnalǵan vıdeosy sebep bolǵan.
Lodochnıkovtyń málіmetіnshe, aryzdanýshy bul vıdeony qorlaý jáne qaýіp tóndіrý sıpatynda dep baǵalaǵan. Sondaı-aq ol buǵan deıіn jarııalanymdy óshіrýdі suraǵanyn, alaıda vıdeo joıylmaǵanyn kórsetken.
Bloger ózіne jeke habarlama arqyly mundaı ótіnіsh kelmegenіn aıtty. Onyń sózіnshe, jarııalanymnyń astynda shamamen úsh myńǵa jýyq pіkіr jazylǵan.
Lodochnıkov ýchaskelіk polıtsııa qyzmetkerіmen baılanysqanyn da jetkіzdі. Onyń aıtýynsha, polıtseı jarııalanǵan vıdeodan zań buzýshylyq belgіlerі anyqtalmaǵanyn aıtqan. Degenmen aryz zań talaptaryna sáıkes qaralýy tıіs.
Bloger quqyq qorǵaý organdarymen yntymaqtastyq jasaýǵa daıyn ekenіn málіmdep, vıdeony óshіrmeıtіnіn aıtty.
Sonymen qatar ol oqyrmandarynan aryz jazǵan áıeldі balaǵattamaýdy surady. Kerіsіnshe, oǵan pіkіrlerde jaqsy sózder jazýǵa shaqyrdy.
«Menіńshe, ár adam ózіne kóbіrek kóńіl bólіp, damýǵa, jańa nárse úırenýge jáne energııasyn paıdaly іske baǵyttaýǵa tyryssa, ómіr áldeqaıda jeńіl árі tynysh bolar edі. Adamdar damyńdar, úırenіńder, ózderіńmen jumys іsteńder. Bul álemdі tek jaqsartady», – dep jazdy bloger.
Material avtory
