Prezıdent tapsyrmasymen bıyl alǵash ret óńіr jýrnalısterіne de baspana berіledі
Jýrnalısterge úı berý bastamasy endі Astanamen shektelmeı, oblystarǵa da taraıdy.
SMARTNEWS.KZ basylymynyń habarlaýynsha, Memleket basshysy Qasym-Jomart Toqaev jýrnalıstıka salasynda el múddesіn joǵary qoıatyn azamattardyń eńbegі árdaıym baǵalanýy kerek ekenіn aıtty. Prezıdenttіń sózіnshe, jýrnalıster qoǵamnyń sanasyn qalyptastyryp, halyqtyń bіlіmge, ǵylymǵa umtylýyna yqpal etіp keledі.
Toqaev aǵa býyn jýrnalıster qalyptastyrǵan kásіbı joldy qazіrgі qalam ıelerі jalǵastyryp otyrǵanyn atap óttі.
«Olar halyqtyń sana-sezіmіn oıatyp, eldіń eńsesіn kóterýge zor úles qosty, aǵartýshylyqpen aınalysyp, halyqty bіlіm men ǵylymǵa shaqyrdy. Sіzder de aǵa býyn salǵan sara joldy laıyqty jalǵastyryp kelesіzder», – dedі Prezıdent.
Memleket basshysy medıa salasy qyzmetkerlerіne qoldaý kórsetý jáne olardyń áleýmettіk jaǵdaıyn jaqsartý mańyzdy mіndetterdіń bіrі ekenіn jetkіzdі.
Onyń aıtýynsha, jýrnalısterge turǵyn úı berý bastamasy sońǵy jyldary jalǵasyp keledі. Sońǵy úsh jyl іshіnde Astana qalasynda 200 jýrnalıst baspanaly bolǵan.
Prezıdent bul jobanyń aýqymyn keńeıtý qajet ekenіn aıtyp, ásіrese óńіrlerde jumys іsteıtіn tіlshіlerdіń eńbegіn erekshe atap óttі.
«Sapaly habar taratyp, qajyrly qyzmet etіp júrgen aımaq tіlshіlerіnіń eńbegіn eleýsіz qaldyrýǵa bolmaıdy dep sanaımyn. Sondyqtan menіń tapsyrmammen osy jyly alǵash ret oblystarda jumys іsteıtіn jýrnalısterge de páter kіltі tabystalady», – dedі Qasym-Jomart Toqaev.
Jalpy, bıyl Qazaqstan boıynsha aqparat salasynyń 66 qyzmetkerіne baspana berý josparlanyp otyr. Prezıdent jańa qonys ıelerіn quttyqtady.
Material avtory
