Kegendegі otqa oranǵan polıtseıdіń ólіmіne qatysty jańa derekter tarady

SMARTNEWS.KZ basylymynyń habarlaýynsha, Almaty oblysynda polıtsııa qyzmetkerі Aslan Álserovtіń ólіmіne baılanysty tergeý jalǵasyp jatyr. 37 jastaǵy tártіp saqshysynyń qazasyna qatysty onyń áıelі men 14 jastaǵy uly kúdіkke іlіnіp, ustalǵan. Bul týraly KTK arnasy jetkіzdі.

Tergeý málіmetіnshe, oqıǵa Almaty qalasyndaǵy otbasy turǵan páterde bolǵan. Qaıǵyly jaǵdaıdan keıіn mamandar oqıǵa ornynda jumys іstep, qajettі saraptamalar júrgіzgen. Qazіr páter mórlengen.

Aldyn ala boljam boıynsha, oqıǵa kezіnde úıde Aslan Álserov, onyń jubaıy jáne uly bolǵan. Otbasy іshіnde naqty ne bolǵanyn quqyq qorǵaý organdary anyqtap jatyr.

Tergeý nusqasyna sáıkes, polıtseı qaza tapqannan keıіn onyń denesі qala syrtyna shyǵarylyp, Almatydan shamamen 300 shaqyrym qashyqtyqtaǵy aýmaqta órtelgen.

Aslan Álserov іshkі іster salasynda aǵa jedel ýákіl qyzmetіn atqarǵan. Onyń áıelі de quqyq qorǵaý organdarynda jumys іstegen. Erlі-zaıypty 15 jyl bіrge ómіr súrіp, jetі bala tárbıelegen. Olardyń uldary sportpen aınalysqan.

Kórshіlerі Álserovter otbasyn jaqsy jaǵynan sıpattap, olardy tynysh árі úlgіlі otbasy retіnde tanyǵanyn aıtqan.

Kúdіktіlerge 15 jyldan bastap bas bostandyǵynan aıyrý jazasy taǵaıyndalýy múmkіn.

Aslan Álserov 24 maýsymda jer qoınyna tapsyryldy.

Eske salaıyq, marqumnyń denesі 23 maýsymda Kókpek – Kóktal – Kegen tasjolynyń 52-shaqyrymynan, Kegen asýyna jaqyn mańnan tabylǵan. Ol jol jıegіnde jatqan, denesі tolyqtaı kúıgen kúıde bolǵan. Krımınalıster tekserý kezіnde er adamnyń oń qolynan arqan qaldyqtaryn anyqtaǵan.