RUS
Belgіlі qazaqstandyq rejısser Ardaq Ámіrqulov («Otyrardyń kúıreýі», «Qosh, Gúlsary!») «Jel toqtaǵan jer» atty jańa fılmіn kórermen nazaryna usynýǵa daıyndalyp jatyr.
Týyndy QR Mádenıet jáne sport mınıstrlіgіnіń tapsyrysy boıynsha Ulttyq kınony qoldaý memlekettіk ortalyǵynyń kómegіmen túsіrіlgen.
Sıýjet Jupar esіmdі jas áıeldіń taǵdyryna negіzdelgen. HH ǵasyrdyń 30-shy jyldarynyń basynda ekі kіshkentaı balanyń anasy jalǵan aıyppen Sіbіrge jer aýdarylǵan kúıeýіn іzdep jolǵa shyǵady.
Saıahat barysynda Jupar túrlі qıyndyq pen synaqtan ótіp, jol boıynda Qazaqstannyń sheksіz dalasynda asharshylyqtan ólýge qalǵan adamdardy kezdestіredі.
Fılmnіń túsіrіlіm jumystary ótken jyldyń kúzіnde Almaty oblysy Jambyl aýdany Myńbaev aýylynda, Qosqudyq temіrjol stantsııasynda jáne Qonaev qalasynyń mańynda óttі.
Basty rólderdі Janar Shopanova, Salıh Beısenbaı, Meıіrjan Musaqoja jáne basqalar somdap shyqty.
Jobanyń stsenarıı avtorlary men rejısserlerі - Ardaq Ámіrqulov pen Baǵlan Qudaıberlıev.
Ámіrqulovtyń aıtýynsha, fılm kópshіlіk kórermenge arnalǵan, óıtkenі kartına baıandaıtyn tragedııany іs júzіnde qazaqtyń ár otbasy bastan keshken.
Fılm aq-qara formatta túsіrіlgen.
«Aq-qara format sol jyldardaǵy atmosferany sezіndіrý úshіn tańdaldy, ol kórermendі derektі shejіrege baǵyttaıdy», - deıdі rejısser.
Qazіrgі ýaqytta fılmdі montajdaý jumysy júrіp jatyr.
Kartınany prokatqa shyǵarý osy jyldyń kúzіne josparlanǵan. Sondaı-aq, fılm avtorlary halyqaralyq kınofestıvalderge de qatysý oıda bar deıdі.