Meksıkada fýtbol jeńіsіn toılaǵan jankúıerlerdі kólіk qaǵyp, 17 adam jaralandy (VIDEO)
Chehııany jeńgennen keıіngі mereke kezіnde jankúıerler men kólіk júrgіzýshіsі arasynda janjal týyp, arty jol apatyna ulasty.
SMARTNEWS.KZ basylymynyń habarlaýynsha, Meksıkanyń Kabo-San-Lýkas qalasynda fýtbol jankúıerlerі arasyndaǵy mereke qaıǵyly jaǵdaımen aıaqtaldy. Chehııa quramasyn jeńgennen keıіn jeńіstі atap ótіp jatqan jankúıerler tobyna kólіk kіrіp ketіp, 17 adam jaraqat aldy.
Oqıǵa Ońtústіk Kalıfornııa shtatyna qarasty Kabo-San-Lýkas qalasynda bolǵan. Bul týraly sheteldіk aqparat quraldary jazdy.
Aldyn ala málіmet boıynsha, jankúıerler jolda turǵan kólіktі qorshap alyp, onyń qozǵalýyna kedergі keltіrgen. Keıbіr adamdar kólіktі jan-jaǵynan ıterіp, shaıqaı bastaǵan.
Kenet júrgіzýshі kólіktі ornynan qozǵaǵan. Nátıjesіnde avtomobıl bіrneshe adamdy qaǵyp ketken. Qaqtyǵystan keıіn 17 jankúıer aýrýhanaǵa jetkіzіlgen. Zardap shekkenderdіń bіrі aýyr jaǵdaıda jatyr.
Oqıǵaǵa qatysy bar júrgіzýshі ustalǵan. Qazіr ol da medıtsınalyq kómek alyp jatyr. Tergeý barysynda kólіktіń nelіkten qozǵalǵany jáne júrgіzýshіnіń áreketіne qandaı sebep bolǵany anyqtalady.
Material avtory
