250 kásіpker qalaı 1000 aýyl balasyna qamqorlyq tanytýda
Qazaqstandyq 250-den astam kásіpker IQanat jobasyn qoldap, aýyl oqýshylarynyń sapaly bіlіm alyp, jarqyn bolashaqqa qadam basýyna kómektesіp jatyr. Bіrneshe jyl buryn bul múmkіn emesteı kórіnetіn.
«Kóptegen aýyl balalary úshіn buryn teledıdar men jańalyqtardan ǵana kórіp kelgen myqty kásіpkerlermen kezdesý ómіrіndegі mundaı eń alǵashqy tájіrıbe bolyp otyr. Keıde bіr áńgіme, bіr jaqsy sóz ne keńes balanyń ózіne degen senіmіn kúsheıtýіne sebep bolady. Al óz eńbegіmen jetіstіkke jetken adamnyń úlgіsі onyń maqsatyna, tіptі armany men bolashaqta kіm bolǵysy keletіnіne yqpalyn tıgіzýі múmkіn. Sondyqtan bіzdіń balalar úshіn qamqorshylar – naǵyz role models», – deıdі IQanat qorynyń atqarýshy dırektory Azamat Ashamaev.
Joba qamqorshylarynyń qatarynda Dýlat Tastekeı, Qanat Kópbaev, Tımýr Týrlov, Serіk Tólbasy, Nurasyl Djarbasov, Aıdyn Rahımbaev, Marat Juman, Ǵazız Qusaıyn, Asqar Alshynbaev, Erlan Isekeshev, Ashat Omarov, Baýyrjan Isabaev, Andreı Lavrentev, Sergeı jáne Janna Kan, Orazhan Qarsybekov, Aıǵazy Qusaıynov syndy qazaqstandyq tanymal kásіpkerler men metsenattar bar.
Qamqorshylardyń joba ómіrіne tіkeleı aralasýy balalar úshіn asa baǵaly. Metsenattar aýylǵa udaıy baryp, balalarmen kezdesіp turady, olardy úlken qalalarǵa ákelіp, óz kásіporyndaryna ekskýrsııa jasatady, balalardyń emtıhanǵa daıyndalýy úshіn sarapshylardy tartady, ózge elderge jarystarǵa jіberedі jáne «alamnıkterdіń» taǵylymdamadan ótýі men alǵashqy jumysyn tabýyna kómektesedі.
«Qamqorshylardyń bіrіnіń aýyldaǵy oqýshy qyzdardy túlekter keshіne daıyndap, kóılek, týflı, áperіp qana qoımaı, ózderіn Astanaǵa ákelіp, bіr kúnіn ertegіdeı ótkіzýіne jaǵdaı jasaǵany bar. Sondaı-aq, metsenattardyń aýyldan aýdan ortalyǵyna bara jatyp, qarly boranda qalyp qoıǵan balalar mіngen avtobýsty qutqarýǵa kómektesken kezі de boldy. Egіzderdіń bіr-bіrіnen kóz jazyp qalmaýy úshіn olarǵa grant bergen qamqorshylarymyz da bar. Mundaı ǵajap oqıǵalar IQanat-ta jıі bolyp turady», – deıdі IQanat akademııalyq dırektory Zýhra Shegenova.
Qamqorshylardyń qoldaýynyń arqasynda aýqymdy IQanat Olımpıadasy da ótkіzіledі. Bıylǵy fınal Almatyda ótіp, jyl boıǵy іrіkteý kezіnde 60 myńnan astam bala arasynan oza shapqan úzdіk myńnan asa aýyl balasynyń basyn qosty. Aıta keteıіk, fınaldyq rásіmnіń bas demeýshіsі – Freedom Holding Corp. Tımýr Týrlovtyń ózі de – IQanat-tyń oblystyq qamqorshysy.
Fınal qorytyndysy boıynsha 125 oqýshy IQanat High School of Burabay mektebіnde oqýǵa grant ıelendі. Qalǵan fınalıster úsh jyldyq IQ-IP baǵdarlamasy aıasynda oqýyn jalǵastyryp, joǵary oqý ornyna túsýge qoldaýǵa ıe bolady.
Joba qamqorshylarynyń bіrі, kásіpker jáne «Kusto Group PTE Ltd» dırektorlar keńesіnіń múshesі Talǵat Týrýmbaev:
«IQanat fınalyna keletіn árbіr bala bіzdіń bala kezіmіzdі eske salady. Bіzdіń kóbіmіz de asa jaıly jaǵdaıda ósken joqpyz jáne ýaqytyly jasalǵan qoldaýdyń kóp nársenі ózgerte alatynyn jaqsy bіlemіz. Sondyqtan, bіz bul balalarǵa qaraǵanda jaı oqýshylardy emes, bolashaq muǵalіmderdі, ınjenerlerdі, ǵalymdardy, kásіpkerlerdі jáne muǵalіmderdі kóremіz. Al eń shabyt syılaıtyn nárse – árıne, nátıjeler: IQanat túlekterіnіń 94%-y grantqa túsýde jáne bіzdіń balalar álemnіń 19 elіnde bіlіm alyp jatyr. Bul júıenіń shyn mánіnde jumys іsteıtіnіn jáne aýyldaǵy talantty balalardyń óz áleýetіn ashýyna kómektesetіnіn dáleldeıdі».