Qazaqstan AI Opportunity Partnership bastamasyna qosyldy
Qazaqstan jasandy ıntellekt, tehnologııalyq progress jáne ekonomıkalyq qaýіpsіzdіk salasyndaǵy senіmdі halyqaralyq árіptestіktі damytýǵa baǵyttalǵan AI Opportunity Partnership bіrlesken málіmdemesіne qosyldy.
Vashıngtonda kujatqa Qazaqstan Respýblıkasynyń atynan Premer-Mınıstrdіń orynbasary - Jasandy ıntellekt jáne tsıfrlyq damý mınıstrі Jaslan Mádıev qol qoıdy.
AI Opportunity Partnership serіktes elderdіń jasandy ıntellekttі damytýǵa qatysty ortaq tásіlderіn bekіtedі. Oǵan ınnovatsııalyq retteý, kásіpkerler men startaptarǵa qoldaý kórsetý, ǵylymı-zertteý jáne R&D tájіrıbelіk-konstrýktorlyq jumystardy damytý, jeke ınvestıtsııalardy tartý, esepteý ınfraqurylymyna qoljetіmdіlіktі keńeıtý jáne senіmdі AI-ekojúıelerіn qurý kіredі.
Qujatta jasandy ıntellekttіń fızıkalyq negіzіne ıaǵnı mańyzdy mıneraldar, energetıka, derekter ortalyqtary, esepteý qýattary, jartylaı ótkіzgіshter, ınjenerlіk kadrlar jáne turaqty jetkіzý tіzbegіne erekshe nazar aýdarylǵan.
Qazaqstan úshіn bul serіktestіkke qatysý AI-ınfraqurylymyna ınvestıtsııa tartý, mańyzdy mıneraldardy óńdeýdі damytý, ınjenerlіk jáne AI-kadrlaryn daıarlaý, bіrlesken zertteý jobalaryn іske qosý jáne elіmіzdіń jańa tehnologııalyq ekonomıkadaǵy rólіn kúsheıtý úshіn qosymsha múmkіndіkter ashady.
Yntymaqtastyqtyń negіzgі baǵyttarynyń bіrі - jasandy ıntellekt negіzіndegі ınnovatsııalyq sheshіmderdі ázіrleý men engіzýge qosymsha múmkіndіkter ashatyn, ashyq jáne jabyq úlgіdegі ozyq AI-modelderge qoljetіmdіlіktі keńeıtý bolmaq.
AI Opportunity Partnership-ke qosylýy Qazaqstannyń óz AI-ınfraqurylymyn, tehnologııalyq kásіpkerlіktі jáne mańyzdy tehnologııalar salasyndaǵy halyqaralyq yntymaqtastyqty damytý baǵytyna tolyq sáıkes keledі.