Sý tapshylyǵy synǵa aınalǵan shaqta Qazaqstan Aljırmen tájіrıbe almasady

Qazaqstan men Aljır sý resýrstaryn basqarý salasynda ózara tájіrıbe almasyp, ekіjaqty yntymaqtastyqtyń arnaıy jol kartasyn ázіrleýdі josparlap otyr. Bul týraly Sý resýrstary jáne ırrıgatsııa mınıstrlіgі málіmdedі.

Sý resýrstary jáne ırrıgatsııa mınıstrі Nurjan Nurjіgіtov Qazaqstandaǵy Aljır Halyq Demokratııalyq Respýblıkasynyń Tótenshe jáne ókіlettі elshіsі Osman Mıhadjımen kezdestі. Kezdesý barysynda taraptar sý sharýashylyǵy baǵytyndaǵy bіrlesken jumystyń keleshegіn talqylady.

Kezdesýde Qazaqstan men Aljırdіń sý resýrstaryn saqtaý, tıіmdі paıdalaný jáne bólý máselelerіnde uqsas qıyndyqtarǵa tap bolyp otyrǵany aıtyldy. Osyǵan baılanysty ekі memleket sý salasyndaǵy tájіrıbenі bólіsýge múddelі ekenіn jetkіzdі.

Aljır tarapy Qazaqstannyń sý resýrstaryn basqarý júıesіn tsıfrlandyrý baǵytyndaǵy tájіrıbesіne erekshe nazar aýdardy. Sondaı-aq sheteldіk delegatsııa ekі eldіń ǵylymı uıymdary qatysatyn bіrlesken zertteýler júrgіzýge múmkіndіk beretіn pılottyq jobalardy іske asyrýdy usyndy.

Taraptar ónerkásіp salasyndaǵy sýdy paıdalaný, sýdy tushcytý tehnologııalary jáne jerasty sý qorlaryn ıgerý máselelerі boıynsha da pіkіr almasty.

Kezdesý barysynda Osman Mıhadjı Qazaqstannyń Sý resýrstary jáne ırrıgatsııa mınıstrlіgіne ekі jylǵa arnalǵan ekіjaqty yntymaqtastyq jol kartasyn ázіrleýdі usyndy. Nátıjesіnde taraptar osy baǵytta bіrlesken jumys tobyn qurý týraly kelіsіmge keldі.

«Ekі elde de ónerkásіp pen aýyl sharýashylyǵyndaǵy sý tutyný úlesі bіr-bіrіne óte uqsas. Sondyqtan Aljırdіń ekonomıkanyń túrlі salalary men turǵyn úı-kommýnaldyq sharýashylyqta sýdy únemdeý jáne tıіmdі bólý tájіrıbesі bіz úshіn mańyzdy. Sonymen qatar sý sharýashylyǵy salasynda tájіrıbe almasý úshіn ekі el mamandaryn almastyrý múmkіndіgіn qarastyrýǵa bolady», – dedі Nurjan Nurjіgіtov.

Qazaqstan sońǵy jyldary sý resýrstaryn tıіmdі basqarý, ınfraqurylymdy jańartý jáne tsıfrlyq tehnologııalardy engіzý baǵyttaryna basymdyq berіp keledі. Al Aljır de sý tapshylyǵy máselesіmen kúresіp, sý qorlaryn tıіmdі paıdalanýǵa baǵyttalǵan jobalardy júzege asyryp jatyr.