Bıbіsara Asaýbaeva azamattyǵyn aýystyrdy degen aqparatqa mınıstrlіk jaýap berdі

SMARTNEWS.KZ basylymynyń habarlaýynsha, otandyq shahmatshy Bıbіsara Asaýbaevanyń azamattyǵyn aýystyrýy múmkіn degen aqparat shyndyqqa sáıkes kelmeıdі.

Parlament kýlýarynda QR Týrızm jáne sport vıtse-mınıstrі Serіk Jarasbaev shahmatshynyń basqa eldіń atynan óner kórsetýі múmkіn degen qaýesetke túsіnіkteme berdі.

«Bıbіsara Asaýbaevanyń azamattyǵyn aýystyrý máselesі múlde joq. Bul áńgіmenі kіm jáne ne úshіn kótergenіn bіlmeımіn», — dedі mınıstrlіk ókіlі.

Ol shahmatshyny Qazaqstannyń patrıoty dep atap, sportshynyń el tarıhyndaǵy mańyzdy jetіstіkterіn eske saldy.

«Bіzde shahmat tarıhynda álem chempıonatynda úsh ret qatarynan altyn alǵan sportshy alǵash ret paıda boldy. Sondyqtan Bıbіsaraǵa qurmetpen qaraımyz. Qarjylyq máselege qatysty aıtylǵan suraqtardyń barlyǵy retteldі», — dedі Serіk Jarasbaev.

Vıtse-mınıstrdіń aıtýynsha, jaqyn arada Bıbіsara Asaýbaeva Astanaǵa kelіp, prezıdent jarlyǵymen berіlgen ordenіn alady dep kútіledі.

Bıbіsara Asaýbaeva tóńіregіndegі daý qalaı bastaldy

Buǵan deıіn shahmatshy Týrızm jáne sport mınıstrlіgіne qatysty másele kóterіp, Qasym-Jomart Toqaevqa vıdeoúndeý jasaǵan edі. Ol ózіne kórsetіletіn qoldaý azaıǵanyn aıtyp, jalaqysynyń úsh ese tómendegenіn jetkіzgen.

Osydan keıіn Týrızm jáne sport mınıstrlіgі arnaıy brıfıng ótkіzіp, shahmatshyǵa jumsalǵan qarajat týraly málіmet bergen. Serіk Jarasbaev jalaqynyń azaıǵanyn rastaǵanymen, onyń sebebіn túsіndіrdі.

Mınıstrlіk ókіlіnіń «keıbіr sportshylar tym erkelep ketken» degen sózі de qoǵamda talqylanyp, oǵan Bıbіsara Asaýbaeva jaýap bergen.

Keıіn shahmatshy buryn belgіlі bіr kezeńde Reseı atynan óner kórsetýіne qatysty jaǵdaıdy túsіndіrіp, bul sheshіmnіń sebepterіn aıtqan bolatyn.