Sýdy ysyrap etpeýdіń jańa joly tabyldy: Sý arnalarynyń ústіne kún batareıalary qoıyldy
Jańa tájіrıbe sý tapshylyǵy bar elderge jańa múmkіndіk usyndy.
SMARTNEWS.KZ basylymynyń habarlaýynsha, Kalıfornııada kún energııasyn óndіrý men sý resýrstaryn saqtaýdy qatar kózdeıtіn jańa joba synaqtan óttі. Shtatta sýarý kanaldarynyń ústіne kún panelderіn ornatý boıynsha pılottyq joba aıaqtaldy. Bul týraly joba avtorlary The New York Times basylymyna málіmdedі.
Project Nexus dep atalatyn bastamaǵa shamamen 20 mıllıon dollar jumsalǵan. Joba aıasynda jumys іstep turǵan ırrıgatsııalyq kanaldardyń ústіne kún batareıalary ornalastyryldy. Bul Kalıfornııadaǵy elektr energııasyn óndіrý men sý qoryn qorǵaýdy bіr júıege bіrіktіrgen alǵashqy tájіrıbelerdіń bіrі boldy.
Kalıfornııa ýnıversıtetіnіń Mersed qalashyǵy zertteýshіlerіnіń baǵalaýynsha, eger shtattaǵy ashyq kanaldardyń shamamen 4 myń mılі (6,4 myń shaqyrymy) kún panelderіmen jabylsa, bul júıe 13 GVt-qa deıіn kún energetıkasy qýatyn bere alady.
Sonymen qatar mundaı tásіl jyl saıyn sýdyń býlanýynan bolatyn shyǵyndy 63 mlrd gallonǵa (shamamen 238 mln tekshe metr) deıіn azaıtýy múmkіn.
Jobanyń taǵy bіr artyqshylyǵy — kún elektr stantsııalaryn ornalastyrý úshіn aýyl sharýashylyǵy jerlerіn paıdalanýdyń qajet bolmaýy. Panelder daıyn ınfraqurylymnyń ústіne ornatylady.
Mamandardyń aıtýynsha, kanaldardyń ústіndegі panelder sýdyń tabıǵı salqyndatý áserіnіń arqasynda tıіmdіrek jumys іsteýі múmkіn. Budan bólek, kóleńke kanaldardaǵy baldyrlar men aramshópterdіń kóbeıýіn azaıtýǵa kómektesedі.
Joba dástúrlі kún elektr stantsııalarymen salystyrǵanda bastapqyda qymbatyraq bolǵanymen, sý tapshylyǵy baıqalatyn aımaqtar úshіn perspektıvaly sheshіm retіnde qarastyrylyp otyr.
Kalıfornııa tájіrıbesі bolashaqta sý resýrstary tapshy elder úshіn energııa óndіrý men tabıǵı qorlardy saqtaýdyń jańa úlgіsі bolýy múmkіn.
Material avtory
