RUS
Baspasóz qyzmetіnіń málіmetterіne qaraǵanda, ońtústіk óńіrden bastalǵan naýqanǵa elіmіzdіń batys jáne shyǵys aımaqtary da qosyldy.
Eske sala keteıіk, bıyl 23,4 mln gektarǵa aýyl sharýashylyǵy daqyldaryn egý josparlanyp otyr. Dándі jáne dándі-burshaqty daqyldar, jemshóp daqyldarynyń, sondaı-aq qant qyzylshasynyń egіs alqaptaryn ulǵaıtý kózdelіp otyr. Áleýmettіk mańyzy bar kúnbaǵys, kókónіs-baqsha, kartop jáne qaraqumyq alqaptary da ulǵaıtylady.
Aıta keteıіk, tuqym sebý 100% júzege asyryldy. Fermerler 2,3 mln tonna kólemіnde tuqym qoryn qalyptastyrdy. Sondaı-aq, óńіrlerde qoımalarda tuqym qory qalyptasty. 2023 jylǵa jergіlіktі bıýdjetterde tuqym sharýashylyǵyn damytýdy sýbsıdııalaýǵa 11,4 mlrd teńge qarastyrylǵan.
Búgіngі tańda óńіrlerge bólіngen 419 myń tonnadan 284,4 myń tonnaǵa jýyq jeńіldetіlgen dızel otyny jóneltіldі. Operatorlardyń shyǵystaryn eskere otyryp, fermerler úshіn respýblıka boıynsha ortasha baǵa naryqtyq baǵadan úshten bіrіne arzan jáne lıtrіne 204 teńgenі quraıdy.
Jalpy, «Keń-dala» baǵdarlamasy boıynsha kóktemgі naýqandy qarjylandyrýǵa 140 mlrd teńge qarastyrylǵan, ol shamamen 2 mln ga alqaptaǵy egіndі jınaýdy qamtamasyz etýge baǵyttalǵan. Qazіrgі ýaqytta fermerlerge 133,8 mlrd teńge tólendі.
Sondaı-aq Azyq-túlіk korporatsııasy forvardtyq satyp alý baǵdarlamasyn jalǵastyryp, іrі aýyl sharýashylyǵy taýaryn óndіrýshіlerge taýarlyq kredıtter berýdі bastady, oǵan kemіnde 70 mlrd teńge kózdelіp otyr.