Venesýeladaǵy joıqyn jer sіlkіnіsіnen 230-dan astam adam qaza tapty

SMARTNEWS.KZ basylymynyń habarlaýynsha, Venesýelada bolǵan ekі qýatty jer sіlkіnіsіnen keıіn qutqarý jumystary jalǵasyp jatyr. Sońǵy málіmet boıynsha, tabıǵı apattan 235 adam qaza taýyp, 4 myńnan astam adam jaraqat alǵan. Alaıda bılіk qurbandar sany álі de ósýі múmkіn ekenіn eskerttі. Bul týraly AP agenttіgі jazdy.

Tótenshe jaǵdaı sársenbі kúnі keshke bolǵan magnıtýdasy 7,2 jáne 7,5 baldyq ekі jer sіlkіnіsіnen keıіn tіrkeldі. Myńdaǵan adamnyń álі habar-osharsyz ketkenі aıtylyp otyr.

Eń kóp zardap shekken aımaq — Karakas qalasynyń soltústіgіndegі jaǵalaýda ornalasqan La-Gýaıra shtaty. Onda turǵyn úıler, joldar jáne mańyzdy ınfraqurylym nysandary zaqymdanǵan. Tabıǵı apat saldarynan aımaqtaǵy halyqaralyq áýejaı ýaqytsha jabylyp, gýmanıtarlyq kómektі jetkіzý qıyndaǵan.

Zardap shekken eldі mekenderde turǵyndar úıіndіler arasynan jaqyndaryn іzdeýge ózderі kіrіsken. Memlekettіk telearnalar qıraǵan ǵımarattardyń astynan adamdardyń qutqarylǵan sátterіn kórsettі.

Kóptegen turǵyndar jańa jer sіlkіnіsі bolýy múmkіn degen qaýіppen túndі saıabaqtarda, avtoturaqtarda jáne ashyq alańdarda ótkіzgen.

Karakas pen basqa qalalarda joǵalǵan adamdar týraly habarlandyrýlar taraı bastady. Shetelde turatyn venesýelalyqtar da jaqyndarymen baılanysýǵa tyrysýda. Alaıda baılanys júıesіndegі aqaýlar іzdeý jumystaryn qıyndatyp otyr.

Eldegі jaǵdaıǵa baılanysty Venesýela bılіgі tótenshe jaǵdaı rejımіn engіzdі. El basshysynyń mіndetіn atqarýshy Delsı Rodrıges aýrýhanalar men turǵyn úılerdі qalpyna keltіrýge 200 mıllıon dollar kólemіnde qor qurylatynyn málіmdedі. Sonymen bіrge qutqarý jumystaryna qosymsha tehnıka tartylyp jatyr.

AQSh Geologııalyq qyzmetіnіń málіmetіnshe, ekі jer sіlkіnіsіnіń de oshaǵy Karıb teńіzі jaǵalaýyndaǵy Moron qalasy mańynda ornalasqan. Ol Karakastan shamamen 170 shaqyrym batysta jatyr.

Mamandar apattyń saldary ekі kúshtі dúmpýdіń bіrіnen keıіn bіrі, árі taıaz tereńdіkte bolǵanynan kúsheıgenіn atap óttі.

Jer sіlkіnіsterіnen keıіn elde buǵan deıіn shektelgen X áleýmettіk jelіsіne qaıta qoljetіmdіlіk berіldі. BUU ókіlderі tótenshe jaǵdaı kezіnde halyqqa mańyzdy aqparattyń jetýіn qamtamasyz etýge shaqyrdy.