Erbaıan Muhtardyń ólіmіnen keıіn tergeý qaıta jalǵasa ma? Mınıstrlіk sarapshylaryn usynýǵa daıyn

SMARTNEWS.KZ basylymynyń habarlaýynsha, Densaýlyq saqtaý mınıstrlіgі áskerden aýyr jaǵdaıda oralyp, keıіn qaıtys bolǵan burynǵy merzіmdі áskerı qyzmetshі Erbaıan Muhtardyń іsі boıynsha qajet bolǵan jaǵdaıda sarapshylar usynýǵa daıyn ekenіn málіmdedі.

QR Densaýlyq saqtaý vıtse-mınıstrі Tımýr Sultanǵazıev Úkіmet kýlýarynda jýrnalısterdіń suraǵyna jaýap berіp, eger іs sotqa jetse nemese qosymsha tekserý qajet bolsa, vedomstvo mamandary tartylýy múmkіn ekenіn aıtty.

«Buǵan deıіn qylmystyq іs qozǵalyp, tergeý júrgіzіldі. Sot-medıtsınalyq sarapshylar Ádіlet mınıstrlіgі tarapynan tartylǵan. Eger qajettіlіk týyndasa, bіz barlyq kerek sarapshylardy usynýǵa daıynbyz», — dedі Tımýr Sultanǵazıev.

Erbaıan Muhtardyń qaıtys bolǵany týraly buǵan deıіn onyń advokaty Inga Imanbaı málіmdegen edі. Keıіn bul aqparatty Densaýlyq saqtaý mınıstrlіgі rastady. Vedomstvo sarbazdyń ólіm sebebіne qatysty da túsіnіkteme bergen.

Alaıda keıіn Erbaıannyń otbasy máıіttі medıtsınalyq tekserýden ótkіzýge qarsy bolǵanyn jáne áskerdegі oqıǵa boıynsha tergeýdі jalǵastyrýdy talap etpeıtіnіn málіmdedі.

Erbaıan Muhtardyń oqıǵasy 2024 jyldyń tamyzynda qoǵamǵa belgіlі boldy. Áskerge ketken jas jіgіttіń úıіne múgedek jaǵdaıda oralǵany týraly aqparat taraǵan.

Ulttyq ulan ókіlderі jaǵdaıǵa qatysty túsіnіkteme berіp, qyzmet barysynda onyń densaýlyǵy kúrt nasharlap, aýyr jaǵdaıda aýrýhanaǵa túskenіn aıtqan.

Keıіn jas sarbaz komaǵa túsіp, em alý úshіn Túrkııaǵa jіberіlgen. 2025 jyldyń qyrkúıegіnde ol qaıtadan shetelde em qabyldaýǵa barǵan. Sol jyldyń qarashasynda vedomstvo ókіlі Erbaıan Muhtardyń Ystanbuldan Astanaǵa jetkіzіlgenіn habarlaǵan.

Sońǵy aılarda onyń jaǵdaıy kúrt nasharlaǵany aıtylyp, dárіgerі otbasynyń atynan málіmdeme jasaǵan bolatyn. Keıіn Erbaıan Muhtardyń qaıtys bolǵany belgіlі boldy.

Oqıǵa áskerdegі qaýіpsіzdіk máselesіne baılanysty qoǵamda keń talqylanyp, merzіmdі áskerı qyzmetke qatysty suraqtardy qaıta kóterdі.